Aldaǵy úsh jylǵa arnalǵan respýblikalyq biýdjet jobasynda jalpy shyǵys kólemi 51 trln teńgege jýyq bolady. Bul týraly senat otyrysynda vitse-premer, ulttyq ekonomika ministri Serik Jumanǵarin málimdedi, dep habarlaidy Dalanews.kz Qaztagqa silteme jasap.
Ministrdiń aitýynsha, óńirlik biýdjetter teńgerimdi túrde jasalǵan, barlyq bazalyq qajettilikter eskerilgen. Damý biýdjetin qalyptastyrýda respýblikalyq múmkindikter nazarǵa alynǵan.
Jergilikti biýdjetterdiń kiristeri 2026 jyly 10,7 trln teńge, 2027 jyly 12,1 trln teńge, al 2028 jyly 13,3 trln teńge deńgeiinde boljanyp otyr. Al shyǵystar sáikesinshe:
• 2026 jyly – 14,9 trln teńge
• 2027 jyly – 17,3 trln teńge
• 2028 jyly – 18,7 trln teńge
Jumanǵarinniń sózinshe, jergilikti deńgeidegi aǵymdaǵy shyǵyndar infliatsiiaǵa indeksteý jáne memlekettik qyzmet tutynýshylar sanynyń boljamdy ózgerisi negizinde eseptelgen.
Jalpy sipattaǵy transfertter kólemi belgilengende maqsatty transfertterdiń negizgi baǵyttary da nazardan tys qalmaǵan. Atap aitqanda, agroónerkásip keshenin sýbsidiialaý, sý únemdeý tehnologiialaryn engizý, jańa nysandardy kútip-ustaýǵa arnalǵan shyǵystar qosymsha eskerilip otyr.
Bul maqsattarǵa bólinetin qarjy kólemi:
• 2026 jyly – 1,5 trln teńge
• 2027 jyly – 1,6 trln teńge
• 2028 jyly – 1,7 trln teńge
Kelesi jyly sýbventsiia kólemi 5,2 trln teńge, al alynatyn qarajat 879,9 mlrd teńge kóleminde josparlanǵan.
Ministr 2028 jyly Pavlodar oblysy ózin ózi tolyǵymen qamtamasyz ete alatyn deńgeige jetetinin, al Mańǵystaý oblysy qaitadan donor óńirge ainalatynyn aitty.
Onyń málimdeýinshe, úsh jyl ishinde jergilikti biýdjetterdiń respýblikalyq qarjyǵa táýeldiligi 50,7%-dan 33%-ǵa tómendeidi.
Óńirlik standarttar júiesin engizý jáne infraqurylymǵa teń qoljetimdilikti qamtamasyz etý úshin damý biýdjetiniń kólemi jyl saiyn ulǵaiady:
• 2026 jyly – 1,8 trln teńge
• 2027 jyly – 3,2 trln teńge
• 2028 jyly – 4,1 trln teńge
Úsh jylda bul baǵytqa barlyǵy 9,1 trln teńge bólinedi. Osy qarajat esebinen óńirlik standarttar júiesin qamtamasyz etý deńgeii 69,2%-ǵa jetedi.
Ministrdiń aitýynsha, 2026 jyly qarjy negizinen bastalǵan jobalardy aiaqtaýǵa jumsalsa, keiingi jyldary jańa bastamalardy júzege asyrýǵa baǵyttalady.
Sóz sońynda Jumanǵarin qaralyp jatqan zań jobasy óńirlerdiń qarjylyq derbestigin arttyrýǵa, áleýmettik qyzmetterdiń qoljetimdiligin teńestirýge jáne infraqurylymdaǵy aiyrmashylyqtardy azaitýǵa baǵyttalǵanyn atap ótti.
