Beketaev "Statı isi", "Ábilazovty qýdalaý" barysynda, Másimov shemasyn paıdalanyp, memlekettik qarjyny syrtqa jiberip otyrǵan. Statı isi boıynsha Beketaevtyń 300 mıllıon dollar shyǵyn ákelgenin biz talaı ret jazǵanbyz
"Kesheden bastap Marat Beketaev sóıleı bastady", - deıdi osy oraıda DALA INSIDE telegram arnasynyń derekkózi. Tergeýshilerge "Bolachak Consulting" epızody boıynsha Baýyrjan Báıbektiń ústinen qylmystyq is qozǵaýǵa múmkindik ashylady.
Odan keıin Nazarbaevtyń klastasynyń balasyn Germanıada quryqtap, ekstradısıalaý boıynsha sharalar jasalmaq. Báıbektiń sottalýy "Úsh B" operasıasyna núkte qoıady.
Statı tragedıasy...
Másimov, Boranbaev pen Beketaev elimizdi 1 mıllıard dollarǵa "qoraǵa" kirgizgen edi. 2013 jyly elimizge kelgen ınvestor Anatol Statıdiń "Tolqyn" men "Borankól" munaı kenishterin Másimov pen Boranbaev reıderlik jolmen tartyp alady.
Al sol kezde Ádilet mınıstri bolyp turǵan Beketaev Statılerdi múlde joq qylyp jiberý úshin onymen sottasýǵa qyrýar memleket qarjysyn ońdy-sońdy shasha bastaıdy. Bul banketke Baýyrjan Báıbek te qosylady.
Alaıda keıbir shetel sottary Statıdi qoldap, Beketaev-Báıbek tandeminiń jospary iske aspaı qalǵan. Shvesıa soty Statı paıdasyna 76 mıllıon dollar, al Gıbraltar soty 2 mıllıon dollar kesip berdi. Endi ol aqshany Qazaqstan tez arada Statıge tóleýi tıis.
Elimiz qazirdiń ózinde 500 mıllıon dollar bolatyn ótemaqy tóleýdi keıinge qaldyrý úshin sot shyǵyndaryna 300 mıllıon dollaryn jumsady.
Buǵan qosa, 500 mıllıon dollarǵa prosentter júrip jatyr.
Anatolı Statı «Biz Qazaqstannan ótemaqyny asyqpaı, biraq senimdi túrde óndirtip jatyrmyz. Birneshe jyl buryn Qazaqstannyń 1 mıllıard dollardyń jartysyn tólep qutylatyn múmkindigi bolyp edi. Biraq osy qomaqty shyǵyndardan jeke paıda kórgender basqasha sheshim qabyldady», - dep otyr.
"Úsh B" operasıasynyń sátti ótýi "Jańa Qazaqstannyń" tarıhı prosesi - "Otbasy" operasıasyna tolyq jol ashady.
"Tek qana Sara Alpysqyzyna esh suraqtar bolmaıdy. Jalpy, qazaq halqynyń ózinde Otbasy músheleriniń ishinen osy Sara Alpysqyzyna ǵana sál de bolsa qurmet bar sıaqty" deıdi bul rette DALA INSIDE.
...
Aıtqandaı, Baıqońyrdaǵy Reseı azamattary birtindep eline qaıtyp jatyr. Tolyǵyraq: https://t.me/dalainside/1538
