"بورانبايەۆ - بەكەتايەۆ - بايبەك" تەرگەۋ وپەراسياسى ءوزىنىڭ ورتالىق فازاسىنا جەتتى. قايرات بورانبايەۆ قالتاسىنداعى سوڭعى تيىندى ساناپ بەرگەن كۇنى تەرگەۋشىلەر ەكس-ادىلەت ءمينيسترى مارات بەكەتايەۆتى قۇرىقتادى.

بەكەتايەۆ "ستاتي ءىسى"، "ءابىلازوۆتى قۋدالاۋ" بارىسىندا، ءماسىموۆ سحەماسىن پايدالانىپ، مەملەكەتتىك قارجىنى سىرتقا جىبەرىپ وتىرعان. ستاتي ءىسى بويىنشا بەكەتايەۆتىڭ 300 ميلليون دوللار شىعىن اكەلگەنىن ءبىز تالاي رەت جازعانبىز

"كەشەدەن باستاپ مارات بەكەتايەۆ سويلەي باستادى"، - دەيدى وسى ورايدا DALA INSIDE تەلەگرام ارناسىنىڭ دەرەككوزى. تەرگەۋشىلەرگە "Bolachak Consulting" ەپيزودى بويىنشا باۋىرجان بايبەكتىڭ ۇستىنەن قىلمىستىق ءىس قوزعاۋعا مۇمكىندىك اشىلادى.

ودان كەيىن نازاربايەۆتىڭ كلاستاسىنىڭ بالاسىن گەرمانيادا قۇرىقتاپ، ەكستراديسيالاۋ بويىنشا شارالار جاسالماق. بايبەكتىڭ سوتتالۋى "ءۇش ب" وپەراسياسىنا نۇكتە قويادى.

ستاتي تراگەدياسى...

ءماسىموۆ، بورانبايەۆ پەن بەكەتايەۆ ەلىمىزدى 1 ميلليارد دوللارعا "قوراعا" كىرگىزگەن ەدى. 2013 جىلى ەلىمىزگە كەلگەن ينۆەستور اناتول ءستاتيدىڭ "تولقىن" مەن "بورانكول" مۇناي كەنىشتەرىن ءماسىموۆ پەن بورانبايەۆ رەيدەرلىك جولمەن تارتىپ الادى.

ال سول كەزدە ادىلەت ءمينيسترى بولىپ تۇرعان بەكەتايەۆ ستاتيلەردى مۇلدە جوق قىلىپ جىبەرۋ ءۇشىن ونىمەن سوتتاسۋعا قىرۋار مەملەكەت قارجىسىن وڭدى-سوڭدى شاشا باستايدى. بۇل بانكەتكە باۋىرجان بايبەك تە قوسىلادى.

الايدا كەيبىر شەتەل سوتتارى ءستاتيدى قولداپ، بەكەتايەۆ-بايبەك تاندەمىنىڭ جوسپارى ىسكە اسپاي قالعان. شۆەسيا سوتى ستاتي پايداسىنا 76 ميلليون دوللار، ال گيبرالتار سوتى 2 ميلليون دوللار كەسىپ بەردى. ەندى ول اقشانى قازاقستان تەز ارادا ستاتيگە تولەۋى ءتيىس.

ەلىمىز ءقازىردىڭ وزىندە 500 ميلليون دوللار بولاتىن وتەماقى تولەۋدى كەيىنگە قالدىرۋ ءۇشىن سوت شىعىندارىنا 300 ميلليون دوللارىن جۇمسادى.

بۇعان قوسا، 500 ميلليون دوللارعا پروسەنتتەر ءجۇرىپ جاتىر.

اناتولي ستاتي «ءبىز قازاقستاننان وتەماقىنى اسىقپاي، ءبىراق سەنىمدى تۇردە ءوندىرتىپ جاتىرمىز. بىرنەشە جىل بۇرىن قازاقستاننىڭ 1 ميلليارد دوللاردىڭ جارتىسىن تولەپ قۇتىلاتىن مۇمكىندىگى بولىپ ەدى. ءبىراق وسى قوماقتى شىعىنداردان جەكە پايدا كورگەندەر باسقاشا شەشىم قابىلدادى»، - دەپ وتىر.

"ءۇش ب" وپەراسياسىنىڭ ءساتتى ءوتۋى "جاڭا قازاقستاننىڭ" تاريحي پروسەسى - "وتباسى" وپەراسياسىنا تولىق جول اشادى.

"تەك قانا سارا الپىسقىزىنا ەش سۇراقتار بولمايدى. جالپى، قازاق حالقىنىڭ وزىندە وتباسى مۇشەلەرىنىڭ ىشىنەن وسى سارا الپىسقىزىنا عانا ءسال دە بولسا قۇرمەت بار سياقتى" دەيدى بۇل رەتتە DALA INSIDE.

...

ايتقانداي، بايقوڭىرداعى رەسەي ازاماتتارى بىرتىندەپ ەلىنە قايتىپ جاتىر. تولىعىراق: https://t.me/dalainside/1538