Shymkentte taǵy bir stalking dereginiń joly kesildi, dep habarlaidy Dalanews.kz.
Bul oqiǵa qarapaiym tanystyqtan bastalǵan. Olar eki aiǵa jýyq qarym-qatynasta bolyp, jigit qyzdyń ata-anasymen de tanysqan.
Keiin qyz sóilesip júrgen jigit buryn nekede bolǵanyn bilip, qarym-qatynasty toqtatqan. Alaida er adam bul sheshimmen kelispei, úsh aidan asa ýaqyt boiy qyzǵa qońyraý shalyp, habarlamalar jazyp, sońynan qalmai qýdalaýyn jalǵastyrǵan. Sondai-aq, jábirlenýshiniń otbasyna ziian keltirýi múmkin ekenin aityp qorqytqan.
"Jábirlenýshi bul týraly politsiiaǵa aityp, kómek suraǵan. Politsiia qyzmetkerleri birden jedel is-sharalar júrgizdi. Kúdikti ustalyp, qamaýǵa alyndy. Qazir sotqa deiingi tergeý áreketteri júrgizilip jatyr", - dedi IIM ókili.
Aita keteiik, buǵan deiin Shymkentte stalking jasaǵan eki kúdikti qamaýǵa alyndy.
