QR Aqparat jáne qoǵamdyq damý mınıstrligi jáne «Medıa damytý qory» korporatıvtik qory búgin «Úrker» - 2020 Ulttyq syılyǵyna qatysý úshin ótinimder qabyldaýdyń bastalǵany týraly habarlady.

Ulttyq syılyq baspa, radıo, ınternet-jýrnalıstıka salasyndaǵy úzdik jetistikteri úshin beriledi, jýrnalısıka mártebesin arttyrýǵa, ony nasıhattap ereksheleıtin kásibı standarttar men krıterılerdi bekitýge baǵyttalǵan. Konkýrs maqsaty – talantty jýrnalıser men shyǵarmashylyq ujymdardy anyqtaý, olardyń kásibı jýrnalısıkany damytýǵa qosqan úlesterine qurmet kórsetý.

Báıgege kontentti óndiretin jáne taratatyn respýblıkalyq jáne óńirlik radıostansıalar, baspa jáne ınternet-basylymdar qatysa alady.

Aǵymdaǵy jyly bolǵan álemdik ózgeristerge baılanysty «Úrker» Ulttyq syılyǵy kúz maýsymynda ótkiziledi. Ótinimder 2020 jyldyń 02 qazanynan 02 qarashasyna deıin qabyldanady.

Konkýrstyq jumystarǵa qoıylatyn talaptar:

- jumystar 2019 jyldyń 1 qańtary men 2020 jyldyń 01 qarashasy aralyǵynda jarıalanýy tıis;

- jumystar baspa basylymynda, ınternet-resýrsta jarıalanýy nemese radıoefırde shyǵýy tıis.

«Úrker-2020» Ulttyq syılyǵynyń jeńimpazdaryn marapattaý rásimi onlaın formatta 2020 jyldyń 13 qarashasynda ótedi.

Bıylǵy jyly «Úrker - 2020» syılyǵy 11 nomınasıa boıynsha marapattalady:

1. Jyldyń úzdik fotosýreti;


2. Jyldyń úzdik reportajy;


3. Jyldyń úzdik analıtıkalyq materıaly;


4. Jyldyń úzdik jýrnalısik zertteýi;


5. Jyldyń úzdik suhbaty;


6. Jyldyń úzdik tanymdyq materıaly;


7. Radıostansıadaǵy úzdik joba;


8. Jyldyń úzdik jańalyqtar portaly;


9. Jyldyń úzdik gazeti;


10. Jyldyń úzdik jýrnaly;


11. Sherhan Murtaza atyndaǵy Nomınasıa.

Bıylǵy jyly pýblısıserge jeke nomınasıa arnaldy. Nomınasıa Sherhan Murtazanyń qurmetine ataldy. Sherhan Murtazanyń esimimen tek qazaq ádebıeti ǵana emes, otandyq jýrnalısıka da baılanysty. Qazaqstandyq pýblısısıka salasynyń maıtalmany kásibı jýrnalıserdiń birneshe býynyn tárbıelegen edi. Búgingi qoǵam ómiriniń ózekti máseleleri men qubylystaryna óz jumystaryn arnaǵan avtorlar atalmysh nomınasıaǵa úmitker bola alady. Materıaldar baspa nemese ınternet-basylymdarda qazaq nemese orys tilderinde jarıalanýy tıis.

Baıqaý jumystaryn bedeldi jýrnalıser, salanyń eńbek sińirgen qaıratkerleri jáne halyqaralyq medıa sarapshylardan quralǵan táýelsiz qazylar alqasy baǵalaıdy.

Konkýrs qorytyndysy boıynsha ár nomınasıanyń úzdik ókiline jeńimpaz ataǵy berilip, «Úrker-2020» estelik músinshesi jáne 1 000 0000 teńge mólsherindegi aqshalaı syı tabystalady. Konkýrsqa qatysý úshin úmitkerler https://urker-awards.kz/ru/ resmı saıtyndaǵy tıisti ótinimdi toltyrýy qajet.