ق ر اقپارات جانە قوعامدىق دامۋ مينيسترلىگى جانە «مەديا دامىتۋ قورى» كورپوراتيۆتىك قورى بۇگىن «ۇركەر» - 2020 ۇلتتىق سىيلىعىنا قاتىسۋ ءۇشىن وتىنىمدەر قابىلداۋدىڭ باستالعانى تۋرالى حابارلادى.

ۇلتتىق سىيلىق باسپا، راديو، ينتەرنەت-جۋرناليستيكا سالاسىنداعى ۇزدىك جەتىستىكتەرى ءۇشىن بەرىلەدى، جۋرناليستيكا مارتەبەسىن ارتتىرۋعا، ونى ناسيحاتتاپ ەرەكشەلەيتىن كاسىبي ستاندارتتار مەن كريتەريلەردى بەكىتۋگە باعىتتالعان. كونكۋرس ماقساتى – تالانتتى جۋرناليستەر مەن شىعارماشىلىق ۇجىمداردى انىقتاۋ، ولاردىڭ كاسىبي جۋرناليستيكانى دامىتۋعا قوسقان ۇلەستەرىنە قۇرمەت كورسەتۋ.

بايگەگە كونتەنتتى وندىرەتىن جانە تاراتاتىن رەسپۋبليكالىق جانە وڭىرلىك راديوستانسيالار، باسپا جانە ينتەرنەت-باسىلىمدار قاتىسا الادى.

اعىمداعى جىلى بولعان الەمدىك وزگەرىستەرگە بايلانىستى «ۇركەر» ۇلتتىق سىيلىعى كۇز ماۋسىمىندا وتكىزىلەدى. وتىنىمدەر 2020 جىلدىڭ 02 قازانىنان 02 قاراشاسىنا دەيىن قابىلدانادى.

كونكۋرستىق جۇمىستارعا قويىلاتىن تالاپتار:

- جۇمىستار 2019 جىلدىڭ 1 قاڭتارى مەن 2020 جىلدىڭ 01 قاراشاسى ارالىعىندا جاريالانۋى ءتيىس؛

- جۇمىستار باسپا باسىلىمىندا، ينتەرنەت-رەسۋرستا جاريالانۋى نەمەسە راديوەفيردە شىعۋى ءتيىس.

«ۇركەر-2020» ۇلتتىق سىيلىعىنىڭ جەڭىمپازدارىن ماراپاتتاۋ ءراسىمى ونلاين فورماتتا 2020 جىلدىڭ 13 قاراشاسىندا وتەدى.

بيىلعى جىلى «ۇركەر - 2020» سىيلىعى 11 نوميناسيا بويىنشا ماراپاتتالادى:

1. جىلدىڭ ۇزدىك فوتوسۋرەتى؛


2. جىلدىڭ ۇزدىك رەپورتاجى؛


3. جىلدىڭ ۇزدىك اناليتيكالىق ماتەريالى؛


4. جىلدىڭ ۇزدىك جۋرناليستىك زەرتتەۋى؛


5. جىلدىڭ ۇزدىك سۇحباتى؛


6. جىلدىڭ ۇزدىك تانىمدىق ماتەريالى؛


7. راديوستانسياداعى ۇزدىك جوبا؛


8. جىلدىڭ ۇزدىك جاڭالىقتار پورتالى؛


9. جىلدىڭ ۇزدىك گازەتى؛


10. جىلدىڭ ۇزدىك جۋرنالى؛


11. شەرحان مۇرتازا اتىنداعى نوميناسيا.

بيىلعى جىلى پۋبليسيستەرگە جەكە نوميناسيا ارنالدى. نوميناسيا شەرحان مۇرتازانىڭ قۇرمەتىنە اتالدى. شەرحان مۇرتازانىڭ ەسىمىمەن تەك قازاق ادەبيەتى عانا ەمەس، وتاندىق جۋرناليستيكا دا بايلانىستى. قازاقستاندىق پۋبليسيستيكا سالاسىنىڭ مايتالمانى كاسىبي جۋرناليستەردىڭ بىرنەشە بۋىنىن تاربيەلەگەن ەدى. بۇگىنگى قوعام ءومىرىنىڭ وزەكتى ماسەلەلەرى مەن قۇبىلىستارىنا ءوز جۇمىستارىن ارناعان اۆتورلار اتالمىش نوميناسياعا ۇمىتكەر بولا الادى. ماتەريالدار باسپا نەمەسە ينتەرنەت-باسىلىمداردا قازاق نەمەسە ورىس تىلدەرىندە جاريالانۋى ءتيىس.

بايقاۋ جۇمىستارىن بەدەلدى جۋرناليستەر، سالانىڭ ەڭبەك سىڭىرگەن قايراتكەرلەرى جانە حالىقارالىق مەديا ساراپشىلاردان قۇرالعان تاۋەلسىز قازىلار القاسى باعالايدى.

كونكۋرس قورىتىندىسى بويىنشا ءار نوميناسيانىڭ ۇزدىك وكىلىنە جەڭىمپاز اتاعى بەرىلىپ، «ۇركەر-2020» ەستەلىك مۇسىنشەسى جانە 1 000 0000 تەڭگە مولشەرىندەگى اقشالاي سىي تابىستالادى. كونكۋرسقا قاتىسۋ ءۇشىن ۇمىتكەرلەر https://urker-awards.kz/ru/ رەسمي سايتىنداعى ءتيىستى ءوتىنىمدى تولتىرۋى قاجەت.