Mańǵystaý oblysynda esirtki satý barysynda úsh adam ustaldy, dep habarlaıdy Dalanews.kz.
Bul týraly Mańǵystaý oblysy prokýratýrasysy málimdedi.
“2024 jyldyń 20 jeltoqsanynda UQK jáne Shekara qyzmeti departamentteri Mańǵystaý oblysy prokýratýrasynyń úılestirýimen esirtkini jetkizýdiń halyqaralyq arnasynyń jolyn kesti.Úsh qazaqstandyq qamaýǵa alyndy. Zańsyz aınalymnan 600-den astam metadon tabletkasy men 300 gram apıyn tárkilendi. Buǵan deıin, ońtústik óńirlerden 300 kg-dan astam kannabıs tobynyń esirtkileri tárkilengen ishki esirtki jetkizý arnasy joıyldy”, – delingen prokýratýra habarlamasynda.
Joǵaryda atalǵan faktilerge qatysty Qylmystyq kodekstiń 297-babynyń 3-bóliginde kózdelgen qylmys belgileri boıynsha sotqa deıingi tergep-tekserý júrgizilýde.
“Qylmystyq-prosestik kodekstiń 201-babynyń 1-bóligine sáıkes ózge aqparat jarıa etýge jatpaıdy”, - delingen habarlamada.
