ماڭعىستاۋ وبلىسىندا ەسىرتكى ساتۋ بارىسىندا ءۇش ادام ۇستالدى، دەپ حابارلايدى Dalanews.kz.
بۇل تۋرالى ماڭعىستاۋ وبلىسى پروكۋراتۋراسىسى مالىمدەدى.
“2024 جىلدىڭ 20 جەلتوقسانىندا ۇقك جانە شەكارا قىزمەتى دەپارتامەنتتەرى ماڭعىستاۋ وبلىسى پروكۋراتۋراسىنىڭ ۇيلەستىرۋىمەن ەسىرتكىنى جەتكىزۋدىڭ حالىقارالىق ارناسىنىڭ جولىن كەستى.ءۇش قازاقستاندىق قاماۋعا الىندى. زاڭسىز اينالىمنان 600-دەن استام مەتادون تابلەتكاسى مەن 300 گرامم اپيىن تاركىلەندى. بۇعان دەيىن، وڭتۇستىك وڭىرلەردەن 300 كگ-دان استام كاننابيس توبىنىڭ ەسىرتكىلەرى تاركىلەنگەن ىشكى ەسىرتكى جەتكىزۋ ارناسى جويىلدى”، – دەلىنگەن پروكۋراتۋرا حابارلاماسىندا.
جوعارىدا اتالعان فاكتىلەرگە قاتىستى قىلمىستىق كودەكستىڭ 297-بابىنىڭ 3-بولىگىندە كوزدەلگەن قىلمىس بەلگىلەرى بويىنشا سوتقا دەيىنگى تەرگەپ-تەكسەرۋ جۇرگىزىلۋدە.
“قىلمىستىق-پروسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى”، - دەلىنگەن حابارلامادا.
