«Nur Otan» partıasynyń saılaýaldy baǵdarlamasyn halyqqa túsindirý jumystary qyzý júrýde. Aıtalyq, Aqqýly aýdanynda da úmitker-kandıdattar úgit-nasıhat jumystaryna belsene aralasýda. Pavlodar oblystyq máslıhatyna úmitker-kandıdat Dýlat Abetjanov «Jambyl» bastaýysh partıa uıymynyń múshlerimen onlaın kezdesý ótkizip, saıası uıymynyń saılaýaldy baǵdarlamasyn talqylap, áriptesteriniń dem berip, aldaǵy saılaýdy abyroımen ótkizýge shaqyrdy.  

Búginde «Nur Otan» partıasy halyqtyq partıa ekenin árkez dáleldep keledi. Ásirese, eldiń basyna qıyndyq týǵanda alǵashqylardyń biri bolyp, halyqtyń janynan tabyldy. Buǵan pandemıa kezinde jurttyń kózi anyq jetti. Osylaısha «Nur Otan» partıasy halyqtyń ystyq yqylasyna bólenip, aıryqsha qoldaýyna ıe bolýda. Aldaǵy saılaý halyq pen bas partıanyń arasyn taǵy da jaqyndada túsetini anyq.

– Elbasymyz Nursultan Ábishuly basshylyq etip otyrǵan saıası uıym eldiń damýyna da erekshe atsalysyp keledi. Ony alysqa barmaı-aq aýdanymyzdyń kún sanap kórkeıip kele jatqanynan ańǵarýǵa bolady. Óz basym «Nur Otan» partıasy qurylǵan kúnnen bastap múshe bolyp kelemin. Osy ýaqyt aralyǵynda kóptegen saıası, mádenı, partıalyq is-sharalardyń belsene qatystym. Aldaǵy saılaý bizdi odan saıyn shynyqtyryp, halyqqa jaqyndada túsetine senimdimin. Bizder árbir saılaý saıyn alǵa qadam basyp, ortaq Otanymyz Qazaqstan órkendetip kelemiz, – dep  Dýlat Ermekuly partıalas áriptesteriniń qaırat-jigerin janydy.

Rasynda da Dýlat Ermekuly halyq senim bildirgen depýtat retinde monıtorıń toptary quramynda bolyp, aýdandaǵy áleýmettik nysandar qurylysy, kúrdeli jóndeý  jumystarynyń sapasy tekserip, halyq arasynda «Nur Otan» partıasynyń bedeliniń ósýine barynsha yqpal etken bolatyn.

(Materıal aqysy «Nur Otan» partıasynyń Aqqýly aýdanynyń Saılaý qorynyń esebinen tólendi)