«Nur Otan» پارتياسىنىڭ سايلاۋالدى باعدارلاماسىن حالىققا ءتۇسىندىرۋ جۇمىستارى قىزۋ جۇرۋدە. ايتالىق، اققۋلى اۋدانىندا دا ۇمىتكەر-كانديداتتار ۇگىت-ناسيحات جۇمىستارىنا بەلسەنە ارالاسۋدا. پاۆلودار وبلىستىق ءماسليحاتىنا ۇمىتكەر-كانديدات دۋلات ابەتجانوۆ «جامبىل» باستاۋىش پارتيا ۇيىمىنىڭ مۇشلەرىمەن ونلاين كەزدەسۋ وتكىزىپ، ساياسي ۇيىمىنىڭ سايلاۋالدى باعدارلاماسىن تالقىلاپ، ارىپتەستەرىنىڭ دەم بەرىپ، الداعى سايلاۋدى ابىرويمەن وتكىزۋگە شاقىردى.  

بۇگىندە «Nur Otan» پارتياسى حالىقتىق پارتيا ەكەنىن اركەز دالەلدەپ كەلەدى. اسىرەسە، ەلدىڭ باسىنا قيىندىق تۋعاندا العاشقىلاردىڭ ءبىرى بولىپ، حالىقتىڭ جانىنان تابىلدى. بۇعان پاندەميا كەزىندە جۇرتتىڭ كوزى انىق جەتتى. وسىلايشا «Nur Otan» پارتياسى حالىقتىڭ ىستىق ىقىلاسىنا بولەنىپ، ايرىقشا قولداۋىنا يە بولۋدا. الداعى سايلاۋ حالىق پەن باس پارتيانىڭ اراسىن تاعى دا جاقىندادا تۇسەتىنى انىق.

– ەلباسىمىز نۇرسۇلتان ءابىش ۇلى باسشىلىق ەتىپ وتىرعان ساياسي ۇيىم ەلدىڭ دامۋىنا دا ەرەكشە اتسالىسىپ كەلەدى. ونى الىسقا بارماي-اق اۋدانىمىزدىڭ كۇن ساناپ كوركەيىپ كەلە جاتقانىنان اڭعارۋعا بولادى. ءوز باسىم «Nur Otan» پارتياسى قۇرىلعان كۇننەن باستاپ مۇشە بولىپ كەلەمىن. وسى ۋاقىت ارالىعىندا كوپتەگەن ساياسي، مادەني، پارتيالىق ءىس-شارالاردىڭ بەلسەنە قاتىستىم. الداعى سايلاۋ ءبىزدى ودان سايىن شىنىقتىرىپ، حالىققا جاقىندادا تۇسەتىنە سەنىمدىمىن. بىزدەر ءاربىر سايلاۋ سايىن العا قادام باسىپ، ورتاق وتانىمىز قازاقستان وركەندەتىپ كەلەمىز، – دەپ  دۋلات ەرمەك ۇلى پارتيالاس ارىپتەستەرىنىڭ قايرات-جىگەرىن جانىدى.

راسىندا دا دۋلات ەرمەك ۇلى حالىق سەنىم بىلدىرگەن دەپۋتات رەتىندە مونيتورينگ توپتارى قۇرامىندا بولىپ، اۋدانداعى الەۋمەتتىك نىساندار قۇرىلىسى، كۇردەلى جوندەۋ  جۇمىستارىنىڭ ساپاسى تەكسەرىپ، حالىق اراسىندا «Nur Otan» پارتياسىنىڭ بەدەلىنىڭ وسۋىنە بارىنشا ىقپال ەتكەن بولاتىن.

(ماتەريال اقىسى «Nur Otan» پارتياسىنىڭ اققۋلى اۋدانىنىڭ سايلاۋ قورىنىڭ ەسەبىنەن تولەندى)