«Ulttyq qor – balalarǵa» baǵdarlamasy aiasynda jinalǵan ondaǵan million dollar igerilmei jatyr. Joǵary aýditorlyq palata (JAP) aýditorlary bul qarajatty qosymsha tabys ákelýi úshin investitsiialaýdy usynyp otyr., dep habarlaidy dalanews.kz.
JAP málimetinshe, 2025 jylǵy 1 qańtardaǵy jaǵdai boiynsha 2024 jyly eseptelgen qarajattyń 84,9%-y paidalanylmaǵan. Bul shamamen 30,6 mln dollardyń 26 mln dollary igerilmei qalǵanyn bildiredi.
Sondai-aq, aýditorlardyń deregine sáikes, 2023-2024 jyldary eseptelgen qarajattyń jalpy kóleminiń shamamen 70%-y nemese 74,6 mln dollary qozǵalyssyz qalyp otyr.
Osyǵan bailanysty aýditorlar paidalanylmai jatqan jinaqtardy zeinetaqy aktivteri siiaqty investitsiialaý múmkindigin qarastyrýdy usyndy. Olardyń pikirinshe, bul baǵdarlamanyń tiimdiligin arttyryp, qatysýshylar úshin qosymsha tabys ákelýge múmkindik beredi.
JAP ókilderi qazirgi mehanizm ózgermese, qarajattyń edáýir bóligi uzaq jyldar boiy paidalanylmai qalyp, qosymsha tabys ákelmei qalýy múmkin ekenin aitady.
Eske salsaq, «Ulttyq qor – balalarǵa» baǵdarlamasy aiasynda balalarǵa jyl saiyn Ulttyq qordyń investitsiialyq tabysynyń bir bóligi aýdarylady. Bul jinaqtardy olar 18 jasqa tolǵannan keiin baspana alý nemese bilim alý maqsatynda paidalana alady.
