Ulttyq bank biyl ekinshi ret bazalyq mólsherlemeni tómendetý týraly sheshim qabyldady. Osyǵan bailanysty ekonomist ári R-Finance keńesshisi Arman Baiganov Dalanews.kz agenttigine bul ózgeristiń negizgi sebepteri men onyń ekonomikaǵa áseri týraly pikir bildirdi.
Ekonomistiń aitýynsha, Ulttyq banktiń bazalyq mólsherlemeni tómendetýine jyldyq infliatsiianyń baiaýlaýy negizgi sebep bolǵan.
“Jyl basynda jyldyq infliatsiia deńgeii 12,3 paiyzǵa jýyq bolsa, qazir shamamen 10 paiyzǵa deiin tómendedi. Bazalyq mólsherlemeniń tómendeýine eń aldymen osy faktor áser etti. Degenmen mólsherleme nebári 0,25 paiyzdyq tarmaqqa ǵana qysqardy. Bul – bazalyq mólsherlemedegi eleýli ózgeris emes, kóbine simvolikalyq sipattaǵy qadam”, - dedi ekonomist.
Arman Baiganovtyń pikirinshe, bazalyq mólsherlemeniń odan ári tómendeýine naqty boljam jasaý qiyn. Óitkeni infliatsiialyq qysym tolyq seiilmegen.
“Qazir álemde geosaiasi táýekelder saqtalyp otyr. Reseidegi logistikalyq qiyndyqtar, janarmai naryǵyndaǵy ahýal, Kaspii qubyr konsortsiýmy (KQK) arqyly munai eksportyndaǵy táýekelder – munyń bári Qazaqstan ekonomikasyna áser etýi múmkin”, – deidi Arman Baiganov.
Ekonomisti bazalyq mólsherlemeniń tómendeýi jalpy ekonomika úshin oń belgi sanalatynyn atap ótti.
“Bul infliatsiianyń birtindep báseńdep kele jatqanyn kórsetedi. Ádette mundai jaǵdaida bankter depozitter boiynsha syiaqy mólsherlemesin de tómendetedi. Sonyń nátijesinde bizneske beriletin nesielerdiń paiyzdyq mólsherlemesi de birshama arzandaýy múmkin. Sondyqtan bul sheshimniń oń áseri kóbirek”, – dedi ol.
Arman Baiganovtyń aitýynsha, bazalyq mólsherlemeniń aldaǵy ýaqytta qalai ózgeretini álemdik ekonomikadaǵy jaǵdaiǵa jáne Qazaqstannyń negizgi saýda seriktesterindegi ahýalǵa bailanysty bolady.
“Qazirgi jaǵdaida asyǵys qorytyndy jasaý qiyn. Álemdegi jáne negizgi saýda seriktesterimizdegi jaǵdai qalai órbitini ýaqyt óte kele belgili bolady”, – dep túiindedi ekonomist.
Buǵan deiin
Eske salaiyq, búgin Ulttyq bank bazalyq mólsherlemeni 17%-dan 16,75%-ǵa deiin tómendetti. Bul – biylǵy ekinshi tómendetý. Buǵan deiin mólsherleme 5 maýsymda 18%-dan 17%-ǵa deiin qysqartylǵan edi. Retteýshi bul sheshimdi eldegi infliatsiianyń baiaýlaýymen túsindirdi.
Aita keteiik, kezekti sheshim 4 qyrkúiekte Astana ýaqytymen saǵat 12:00-de jariialanady.
Bazalyq mólsherleme - Ulttyq bank belgileitin negizgi paiyzdyq kórsetkish. Ol arqyly bank sektorynyń jalpy baǵyty aiqyndalyp, eldegi nesie men infliatsiia deńgeiine áser etedi. Bul kórsetkish boiynsha Ulttyq bank kommertsiialyq uiymdarǵa qysqa merzimdi nesie beredi jáne olardyń qarajatyn depozit retinde qabyldaidy.
Qarapaiym tilmen aitqanda, bazalyq mólsherleme - el ekonomikasynyń "baǵdarshamy". Ony kóterse, nesie alý qymbattaidy, al túsirse kerisinshe arzan nesie alý múmkindigi artady. Osylaisha, Ulttyq bank osy tetik arqyly aqsha ainalymyn rettep, baǵa turaqtylyǵyn saqtaýǵa tyrysady.
