ۇلتتىق بانك بيىل ەكٸنشٸ رەت بازالىق مٶلشەرلەمەنٸ تٶمەندەتۋ تۋرالى شەشٸم قابىلدادى. وسىعان بايلانىستى ەكونوميست ەرٸ R-Finance كەڭەسشٸسٸ ارمان بايگانوۆ Dalanews.kz اگەنتتٸگٸنە بۇل ٶزگەرٸستٸڭ نەگٸزگٸ سەبەپتەرٸ مەن ونىڭ ەكونوميكاعا ەسەرٸ تۋرالى پٸكٸر بٸلدٸردٸ.
ەكونوميستٸڭ ايتۋىنشا, ۇلتتىق بانكتٸڭ بازالىق مٶلشەرلەمەنٸ تٶمەندەتۋٸنە جىلدىق ينفلياتسييانىڭ باياۋلاۋى نەگٸزگٸ سەبەپ بولعان.
“جىل باسىندا جىلدىق ينفلياتسييا دەڭگەيٸ 12,3 پايىزعا جۋىق بولسا, قازٸر شامامەن 10 پايىزعا دەيٸن تٶمەندەدٸ. بازالىق مٶلشەرلەمەنٸڭ تٶمەندەۋٸنە ەڭ الدىمەن وسى فاكتور ەسەر ەتتٸ. دەگەنمەن مٶلشەرلەمە نەبەرٸ 0,25 پايىزدىق تارماققا عانا قىسقاردى. بۇل – بازالىق مٶلشەرلەمەدەگٸ ەلەۋلٸ ٶزگەرٸس ەمەس, كٶبٸنە سيمۆوليكالىق سيپاتتاعى قادام”, - دەدٸ ەكونوميست.
ارمان بايگانوۆتىڭ پٸكٸرٸنشە, بازالىق مٶلشەرلەمەنٸڭ ودان ەرٸ تٶمەندەۋٸنە ناقتى بولجام جاساۋ قيىن. ٶيتكەنٸ ينفلياتسييالىق قىسىم تولىق سەيٸلمەگەن.
“قازٸر ەلەمدە گەوساياسي تەۋەكەلدەر ساقتالىپ وتىر. رەسەيدەگٸ لوگيستيكالىق قيىندىقتار, جانارماي نارىعىنداعى احۋال, كاسپيي قۇبىر كونسورتسيۋمى (كقك) ارقىلى مۇناي ەكسپورتىنداعى تەۋەكەلدەر – مۇنىڭ بەرٸ قازاقستان ەكونوميكاسىنا ەسەر ەتۋٸ مٷمكٸن”, – دەيدٸ ارمان بايگانوۆ.
ەكونوميستٸ بازالىق مٶلشەرلەمەنٸڭ تٶمەندەۋٸ جالپى ەكونوميكا ٷشٸن وڭ بەلگٸ سانالاتىنىن اتاپ ٶتتٸ.
“بۇل ينفلياتسييانىڭ بٸرتٸندەپ بەسەڭدەپ كەلە جاتقانىن كٶرسەتەدٸ. ەدەتتە مۇنداي جاعدايدا بانكتەر دەپوزيتتەر بويىنشا سىياقى مٶلشەرلەمەسٸن دە تٶمەندەتەدٸ. سونىڭ نەتيجەسٸندە بيزنەسكە بەرٸلەتٸن نەسيەلەردٸڭ پايىزدىق مٶلشەرلەمەسٸ دە بٸرشاما ارزانداۋى مٷمكٸن. سوندىقتان بۇل شەشٸمنٸڭ وڭ ەسەرٸ كٶبٸرەك”, – دەدٸ ول.
ارمان بايگانوۆتىڭ ايتۋىنشا, بازالىق مٶلشەرلەمەنٸڭ الداعى ۋاقىتتا قالاي ٶزگەرەتٸنٸ ەلەمدٸك ەكونوميكاداعى جاعدايعا جەنە قازاقستاننىڭ نەگٸزگٸ ساۋدا سەرٸكتەستەرٸندەگٸ احۋالعا بايلانىستى بولادى.
“قازٸرگٸ جاعدايدا اسىعىس قورىتىندى جاساۋ قيىن. ەلەمدەگٸ جەنە نەگٸزگٸ ساۋدا سەرٸكتەستەرٸمٸزدەگٸ جاعداي قالاي ٶربيتٸنٸ ۋاقىت ٶتە كەلە بەلگٸلٸ بولادى”, – دەپ تٷيٸندەدٸ ەكونوميست.
بۇعان دەيٸن
ەسكە سالايىق, بٷگٸن ۇلتتىق بانك بازالىق مٶلشەرلەمەنٸ 17%-دان 16,75%-عا دەيٸن تٶمەندەتتٸ. بۇل – بيىلعى ەكٸنشٸ تٶمەندەتۋ. بۇعان دەيٸن مٶلشەرلەمە 5 ماۋسىمدا 18%-دان 17%-عا دەيٸن قىسقارتىلعان ەدٸ. رەتتەۋشٸ بۇل شەشٸمدٸ ەلدەگٸ ينفلياتسييانىڭ باياۋلاۋىمەن تٷسٸندٸردٸ.
ايتا كەتەيٸك, كەزەكتٸ شەشٸم 4 قىركٷيەكتە استانا ۋاقىتىمەن ساعات 12:00-دە جارييالانادى.
بازالىق مٶلشەرلەمە - ۇلتتىق بانك بەلگٸلەيتٸن نەگٸزگٸ پايىزدىق كٶرسەتكٸش. ول ارقىلى بانك سەكتورىنىڭ جالپى باعىتى ايقىندالىپ, ەلدەگٸ نەسيە مەن ينفلياتسييا دەڭگەيٸنە ەسەر ەتەدٸ. بۇل كٶرسەتكٸش بويىنشا ۇلتتىق بانك كوممەرتسييالىق ۇيىمدارعا قىسقا مەرزٸمدٸ نەسيە بەرەدٸ جەنە ولاردىڭ قاراجاتىن دەپوزيت رەتٸندە قابىلدايدى.
قاراپايىم تٸلمەن ايتقاندا, بازالىق مٶلشەرلەمە - ەل ەكونوميكاسىنىڭ "باعدارشامى". ونى كٶتەرسە, نەسيە الۋ قىمباتتايدى, ال تٷسٸرسە كەرٸسٸنشە ارزان نەسيە الۋ مٷمكٸندٸگٸ ارتادى. وسىلايشا, ۇلتتىق بانك وسى تەتٸك ارقىلى اقشا اينالىمىن رەتتەپ, باعا تۇراقتىلىعىن ساقتاۋعا تىرىسادى.
