Ulttyq ulannyń «Shyǵys» óńirlik qolbasshylyǵyna qarasty 5518 áskeri bóliminiń orkestri qaladaǵy qoǵamdyq sharalarǵa belsene qatysady. Áskeri orkestr taiaýda «Jeńiske 100 kún qalǵanda» aktsiiasy aiasynda qaladaǵy saýda úiiniń birinde soǵys jyldaryndaǵy ánderdi oryndap, jurtshylyqtyń ystyq yqylasyna bólengen bolatyn, – dep habarlaidy Dalanews.kz «Shyǵys» óńirlik qolbasshylyǵynyń baspasóz qyzmetine silteme jasap.
Ulandyqtardyń kezekti kontserti Óskemen qalasyndaǵy avtovokzal ǵimaratynda ótti.
– Sharanyń maqsaty – Uly Otan soǵysyna qatysýshylardyń erligin máńgi este saqtaý jáne bolashaq urpaqqa olardy jetkizý. Bizde áli bul baǵytta josparlanǵan birqatar júieli jobalar bar. Kúni keshe 30 jyldyq mereitoiyn atap ótken áskeri bólim shahardaǵy qoǵam tynyshtyǵyn qamtamasyz etýden bólek, qala turǵyndarynyń boiyna patriottyq sezim darytýda súbeli úles qosyp keledi, - 5518 áskeri bólimi komandiriniń orynbasary maior Serik Noǵaev.
Halyq nópiri kóp ǵimaratta orkestrdiń kásibi deńgeide oryndaǵan týyndylary kópshilikke kóterińki kúi syilady. Alýan túrli mýzykalyq aspaptyń daýysyn esti sala, ónerpazdarǵa qyzyǵýshylyq tanytqandar jolaýshylar sany lezde artyp ketti. Tipti, kezekti baǵdarlamasyn aiaqtaǵan orkestrge taǵy da óner kórsetýlerin surap, qolqa salǵandar da boldy.
