ۇلتتىق ۇلاننىڭ «شىعىس» وڭىرلىك قولباسشىلىعىنا قاراستى 5518  اسكەري ءبولىمىنىڭ  وركەسترى قالاداعى قوعامدىق شارالارعا بەلسەنە قاتىسادى. اسكەري وركەستر تاياۋدا «جەڭىسكە 100 كۇن قالعاندا» اكسياسى اياسىندا قالاداعى ساۋدا ءۇيىنىڭ بىرىندە سوعىس جىلدارىنداعى اندەردى ورىنداپ، جۇرتشىلىقتىڭ ىستىق ىقىلاسىنا بولەنگەن بولاتىن، – دەپ حابارلايدى Dalanews.kz «شىعىس» وڭىرلىك قولباسشىلىعىنىڭ باسپا ءسوز قىزمەتىنە سىلتەمە جاساپ.

ۇلاندىقتاردىڭ كەزەكتى كونسەرتى وسكەمەن قالاسىنداعى  اۆتوۆوكزال عيماراتىندا ءوتتى.

– شارانىڭ ماقساتى – ۇلى وتان سوعىسىنا  قاتىسۋشىلاردىڭ ەرلىگىن ماڭگى ەستە ساقتاۋ جانە بولاشاق ۇرپاققا ولاردى جەتكىزۋ.  بىزدە ءالى بۇل باعىتتا جوسپارلانعان ءبىرقاتار جۇيەلى جوبالار بار. كۇنى كەشە  30 جىلدىق مەرەيتويىن اتاپ وتكەن اسكەري ءبولىم شاحارداعى قوعام تىنىشتىعىن قامتاماسىز ەتۋدەن بولەك، قالا تۇرعىندارىنىڭ بويىنا پاتريوتتىق سەزىم دارىتۋدا سۇبەلى ۇلەس قوسىپ كەلەدى، - 5518 اسكەري ءبولىمى كومانديرىنىڭ ورىنباسارى مايور سەرىك نوعايەۆ.

حالىق ءنوپىرى كوپ عيماراتتا وركەستردىڭ  كاسىبي دەڭگەيدە ورىنداعان تۋىندىلارى  كوپشىلىككە كوتەرىڭكى كۇي سىيلادى. الۋان ءتۇرلى مۋزىكالىق اسپاپتىڭ داۋىسىن ەستي سالا، ونەرپازدارعا  قىزىعۋشىلىق تانىتقاندار جولاۋشىلار سانى لەزدە ارتىپ كەتتى. ءتىپتى، كەزەكتى باعدارلاماسىن اياقتاعان وركەسترگە تاعى دا ونەر كورسەتۋلەرىن سۇراپ، قولقا سالعاندار دا بولدى.