Ózenge batyp bara jatqan dosyn qutqaryp, keiin ózi aǵysqa ketken 8 jastaǵy Hizir Derbichevti izdeý jumystary segizinshi táýlikke sozyldy. Izdeý operatsiiasyna Soltústik Kavkazdyń túrli óńirinen myńdaǵan erikti qatysyp jatyr, dep habarlaidy dalanews.kz.
Reseilik BAQ-tyń jazýynsha, qaiǵyly oqiǵa 15 maýsym kúni bolǵan. Izdeý tobynyń málimetinshe, bala sýǵa bata bastaǵan dosyna kómektesý úshin ózenge sekirgen. Hizir dosyn qutqaryp úlgergenimen, ózin qatty aǵys alyp ketken.
Eriktilerdiń biri izdeý kezinde balany kórgen bolýy múmkin degen kýálikter paida bolǵanyn aitty.
"Bireýler "qolyn kórdim" deidi… Endi bireýler "qolynyń nemese aiaǵynyń saýsaqtaryn sezgendei boldym" deidi… Biraq ustap úlgermegen", – dedi ol.
Aýqymdy izdeý jumystaryna qaramastan, balany ázirge tabý múmkin bolmai tur. Volonterler aýmaqty tekserýdi jalǵastyryp, Hizirdiń aman tabylarynan úmit úzbei otyr, dep habarlaidy TASS.
