ٶزەنگە باتىپ بارا جاتقان دوسىن قۇتقارىپ, كەيٸن ٶزٸ اعىسقا كەتكەن 8 جاستاعى حيزير دەربيچەۆتٸ ٸزدەۋ جۇمىستارى سەگٸزٸنشٸ تەۋلٸككە سوزىلدى. ٸزدەۋ وپەراتسيياسىنا سولتٷستٸك كاۆكازدىڭ تٷرلٸ ٶڭٸرٸنەن مىڭداعان ەرٸكتٸ قاتىسىپ جاتىر, دەپ حابارلايدى dalanews.kz.
رەسەيلٸك باق-تىڭ جازۋىنشا, قايعىلى وقيعا 15 ماۋسىم كٷنٸ بولعان. ٸزدەۋ توبىنىڭ مەلٸمەتٸنشە, بالا سۋعا باتا باستاعان دوسىنا كٶمەكتەسۋ ٷشٸن ٶزەنگە سەكٸرگەن. حيزير دوسىن قۇتقارىپ ٷلگەرگەنٸمەن, ٶزٸن قاتتى اعىس الىپ كەتكەن.
ەرٸكتٸلەردٸڭ بٸرٸ ٸزدەۋ كەزٸندە بالانى كٶرگەن بولۋى مٷمكٸن دەگەن كۋەلٸكتەر پايدا بولعانىن ايتتى.
"بٸرەۋلەر "قولىن كٶردٸم" دەيدٸ… ەندٸ بٸرەۋلەر "قولىنىڭ نەمەسە اياعىنىڭ ساۋساقتارىن سەزگەندەي بولدىم" دەيدٸ… بٸراق ۇستاپ ٷلگەرمەگەن", – دەدٸ ول.
اۋقىمدى ٸزدەۋ جۇمىستارىنا قاراماستان, بالانى ەزٸرگە تابۋ مٷمكٸن بولماي تۇر. ۆولونتەرلەر اۋماقتى تەكسەرۋدٸ جالعاستىرىپ, حيزيردٸڭ امان تابىلارىنان ٷمٸت ٷزبەي وتىر, دەپ حابارلايدى تاسس.
