Almatyda jol qozǵalysy erejelerin óreskel buzyp, ony áleýmettik jelide jariialaǵan júrgizýshi jaýapqa tartyldy, dep habarlaidy dalanews.kz.
Politsiia júrgizgen monitoring barysynda Toyota kóliginiń júrgizýshisi jyldamdyqty saǵatyna 200 shaqyrymǵa deiin jetkizip, bul áreketin videoǵa túsirip, jelide jariialaǵany anyqtalǵan. Sondai-aq, kóliktiń memlekettik nómiri syrtynda emes, salon ishinde turǵan.
Almaty politsiiasy júrgizýshini az ýaqytta anyqtady. Ol - Almaty qalasynyń 20 jastaǵy turǵyny.
"Júrgizýshi kólikti memlekettik tirkeý nómirinsiz basqarǵany jáne arnaiy jaryq berý qurylǵysyn zańsyz ornatqany úshin ákimshilik jaýapkershilikke tartyldy", - dedi Almaty qalasy Politsiia departamenti ókili.
