Aqtóbe oblysynyń Qandyaǵash qalasynda ótken toidan keiin jappai ýlaný deregi tirkeldi. Resmi málimet boiynsha, meiramhanaǵa barǵan 102 adam ishek infektsiiasynyń belgilerimen aýrýhanaǵa jetkizilgen, dep habarlaidy dalanews.kz.
Oblystyq densaýlyq saqtaý basqarmasynyń habarlaýynsha, alǵashqy naýqastar meditsinalyq kómekke 19 maýsymda júgingen. Qazir aýrýhanaǵa túskenderdiń 34-inde salmonellez belgileri anyqtalǵan. Osyǵan bailanysty sanitariialyq-epidemiologiialyq baqylaý organdaryna shuǵyl habarlama joldanyp, zerthanalyq saraptama úshin qajet synamalar alynǵan.
Dárigerlerdiń málimetinshe, naýqastardyń jaǵdaiy ortasha aýyr dep baǵalanyp otyr. Olarǵa qajetti meditsinalyq kómek tolyq kólemde kórsetilip jatyr.
Oqiǵaǵa bailanysty arnaiy jedel shtab quryldy. Qandyaǵashqa qosymsha meditsina qyzmetkerleri jiberilip, emdeý mekemelerinde qosymsha oryndar men dári-dármek qory daiyndalǵan.
Al Aqtóbe oblystyq sanitariialyq-epidemiologiialyq baqylaý departamenti oqiǵanyń sebepterin anyqtaý úshin epidemiologiialyq tekserý bastalǵanyn málimdedi. Mamandar qoǵamdyq tamaqtaný ornynan jáne qorshaǵan orta nysandarynan azyq-túlik synamalaryn alyp, zerthanaǵa joldaǵan.
Tekserý aiaqtalǵanǵa deiin Qandyaǵashtaǵy "Tumar" meiramhanasynyń qyzmeti ýaqytsha toqtatyldy. Mamandar jappai ýlanýǵa naqty ne sebep bolǵanyn anyqtap jatyr.
