اقتٶبە وبلىسىنىڭ قاندىاعاش قالاسىندا ٶتكەن تويدان كەيٸن جاپپاي ۋلانۋ دەرەگٸ تٸركەلدٸ. رەسمي مەلٸمەت بويىنشا, مەيرامحاناعا بارعان 102 ادام ٸشەك ينفەكتسيياسىنىڭ بەلگٸلەرٸمەن اۋرۋحاناعا جەتكٸزٸلگەن, دەپ حابارلايدى dalanews.kz.
وبلىستىق دەنساۋلىق ساقتاۋ باسقارماسىنىڭ حابارلاۋىنشا, العاشقى ناۋقاستار مەديتسينالىق كٶمەككە 19 ماۋسىمدا جٷگٸنگەن. قازٸر اۋرۋحاناعا تٷسكەندەردٸڭ 34-ٸندە سالمونەللەز بەلگٸلەرٸ انىقتالعان. وسىعان بايلانىستى سانيتارييالىق-ەپيدەميولوگييالىق باقىلاۋ ورگاندارىنا شۇعىل حابارلاما جولدانىپ, زەرتحانالىق ساراپتاما ٷشٸن قاجەت سىنامالار الىنعان.
دەرٸگەرلەردٸڭ مەلٸمەتٸنشە, ناۋقاستاردىڭ جاعدايى ورتاشا اۋىر دەپ باعالانىپ وتىر. ولارعا قاجەتتٸ مەديتسينالىق كٶمەك تولىق كٶلەمدە كٶرسەتٸلٸپ جاتىر.
وقيعاعا بايلانىستى ارنايى جەدەل شتاب قۇرىلدى. قاندىاعاشقا قوسىمشا مەديتسينا قىزمەتكەرلەرٸ جٸبەرٸلٸپ, ەمدەۋ مەكەمەلەرٸندە قوسىمشا ورىندار مەن دەرٸ-دەرمەك قورى دايىندالعان.
ال اقتٶبە وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸ وقيعانىڭ سەبەپتەرٸن انىقتاۋ ٷشٸن ەپيدەميولوگييالىق تەكسەرۋ باستالعانىن مەلٸمدەدٸ. ماماندار قوعامدىق تاماقتانۋ ورنىنان جەنە قورشاعان ورتا نىساندارىنان ازىق-تٷلٸك سىنامالارىن الىپ, زەرتحاناعا جولداعان.
تەكسەرۋ اياقتالعانعا دەيٸن قاندىاعاشتاعى "تۇمار" مەيرامحاناسىنىڭ قىزمەتٸ ۋاقىتشا توقتاتىلدى. ماماندار جاپپاي ۋلانۋعا ناقتى نە سەبەپ بولعانىن انىقتاپ جاتىر.
