Májilis depýtaty Aidarbek Hodjanazarov Ulttyq qordaǵy qarajatqa bardym-keldim qaraityn zaman ótkenin aitty, - dep habarlaidy Dalanews.kz.
"Memlekettiń ekonomikaǵa shamadan tys aralasýy astyn syzyp turyp aitatyn basty problema bolyp tur. Eger sanmen aitsaq, memleket ekonomikadaǵy 30 sektordyń 20-yna belsendi túrde aralasyp otyr. Bul qaraiǵan jumystyń nátijeli bolýyn, halyqtyń tabysynyń ósýin kádimgidei tejep otyr. Ekonomikalyq yntymaqtastyq pen damý uiymy elderinde bul kórsetkish ortasha eseppen 13 sektordy quraidy", - dedi ol.
Depýtattyń sózinshe, esep berýge kelgende bári júirik.
"Úkimet áleýmettik saladaǵy jańa jumys oryndary týraly esep bergende aidy aspanǵa bir shyǵarady. Biraq «attyń aldyna arbany shyǵaryp» jiberip, ainalyp kelgende taǵy da biýdjetke qol salamyz. Naǵyz sapaly jumys oryndary jańa zaýyt-fabrikalar men óndiris tsehtarynda. Nege? Sebebi olardyń salyǵynyń esebinen barlyq áleýmettik nysandar boi kóteredi, jumys oryndary paida bolady, ónim shyǵarady", - deidi Hodjanazarov.
Depýtat infraqurylym máselelerin de kóterdi.
"Sońǵy on jyl ishinde kapitaldyq shyǵyndardyń úlesi 9-13% arasynda kórinis taýyp tur.Bul infraqurylymnyńtozýyna odan saiyn jumys isteidi.Eger ekonomikadaǵy negizgi kapitalǵa investitsiialardyń úlesin 25-40%-ǵa deiin ulǵaitpasaq, Úkimet ekonomika men halyqtyń jańa infraqurylymǵa degen suranysyn qamtamasyz ete almaidy.
Biznes damýy úshin negiz bolýy tiiserkin ekonomikalyq aimaqtardyń infraqurylymy damymaǵan. 14 aimaqtyń tek tórteýin alǵa tartyp aitýǵa bolady. Onyń ózinde de salystyrmaly túrde. Erkin ekonomikalyq aimaqtarǵa qaraityn infraqurylymnyń aiaqtalýy 70%-dan sál asyp jyǵylady.
Ulttyq qordaǵy qarajatqa bardym-keldim qaraityn zaman ótti. Bizdiń aldymyzda naqty strategiialyq baǵyt bar – ol qor qarjysyn tek qana infraqurylymdy damytý jónindegi jobalarǵa ashyq jáne jaýapty paidalanýdy qamtamasyz etý qajet", - dedi ol.
