Qazaqstan Úkimetiniń keńeitilgen otyrysy qorytyndysy boiynsha Premer-ministrdiń orynbasary – Ulttyq ekonomika ministri Serik Jumanǵarin el biýdjetiniń tapshylyǵy 2029 jylǵa qarai tómendeidi dep málimdedi, dep habarlaidy Dalanews.kz.
Jumanǵarinniń aitýynsha, Qazaqstandaǵy biýdjet tapshylyǵy qazirgi ýaqytta JIÓ-niń 2,7 paiyzyn quraidy. Ol bul kórsetkish “ruqsat etilgen shekten aspaidy” dep atap ótti.
“Biz biýdjet tapshylyǵyn 2029 jylǵa qarai 1,9 paiyzǵa deiin azaitýdy josparlap otyrmyz. Bul memleketke tym kóp qaryz almaý úshin, ózin-ózi shekteý úshin jasalady”, – dedi ministr.
Vitse-premerdiń málimetinshe, memlekettik qaryzdyń JIÓ-ge shaqqandaǵy deńgeii de asa joǵarylyǵy baiqalmaidy – shamamen 22,8 paiyz.
“Damyǵan elderde bul kórsetkish 30 paiyzdan joǵary bolýy múmkin. Jalpy, 60 paiyzǵa deiingi qaryz – qalypty dep sanalady. Kei elderde 100 paiyzdan da asyp ketedi. Ol memlekettiń aǵymdaǵy jaǵdaiyna bailanysty”, – dep túsindirdi Jumanǵarin.
Ministr biýdjettiń 60-70 paiyzyn eldiń óz tabysy quraitynyn aitty. Bul kiristiń 95 paiyzy – salyqtyq túsimder.
“Basqa kiris kózderi joq dese de bolady. Al Ulttyq qordan beriletin transfert shamamen 30 paiyzdy quraidy”, – dep tolyqtyrdy Jumanǵarin.
Sarapshylardyń pikirinshe, biýdjet tapshylyǵyn tómendetý jáne salyqtyq bazaǵa arqa súieý – Qazaqstannyń qarjy turaqtylyǵyn nyǵaitýǵa baǵyttalǵan qadam. Al Úkimet pen Ulttyq ekonomika ministrligi osy saiasatty odan ári jalǵastyra otyryp, 2029 jylǵa qarai defitsitti birshama azaitýǵa ýáde berip otyr.
