30 shildede valiýta naryǵyndaǵy ótimdilik barynsha tómendep, alypsatarlyq qysymnyń kúsheiýine bailanysty Ulttyq Bank 125,6 million AQSh dollary kóleminde valiýtalyq interventsiialar júrgizdi. Interventsiialardy júrgizý alypsatarlyq belsendilikti tómendetýge jáne naryqta qajetti ótimdilikti qamtamasyz etýge múmkindik berdi, dep habarlaidy Dalanews.kz.
Bul týraly QR Ulttyq Bank búgin valiýta naryǵyndaǵy atalǵan sharanyń qorytyndysyn jariialady.
"Shilde aiynyń qorytyndysy boiynsha teńge baǵamy 1 AQSh dollary úshin 540,72 teńgege deiin, 4%-ǵa álsiredi. Qazaqstan qor birjasyndaǵy saýda-sattyqtyń ortasha ailyq kólemi bir aida 235 mln AQSh dollarynan 260 mln AQSh dollaryna deiin ulǵaidy. Jalpy saýda-sattyq kólemi 5,7 mlrd AQSh dollaryn qurady", delingen Ulttyq Banktiń túsiniktemesinde.
Ulttyq Bank júrgizilgen interventsiia naryqtaǵy alypsatarlyq belsendilikti tómendetip, jaǵdaidy turaqtanyrýǵa sep bola alǵanyn basa atap kórsetedi.
Buǵan deiin saitymyzda "Baǵa 448-den 443-ke bir-aq tústi". Ulttyq Bank valiýtalyq interventsiia júrgizdi me?" degen material jariialanǵan.
