30 شىلدەدە ۆاليۋتا نارىعىنداعى وتىمدىلىك بارىنشا تومەندەپ، الىپساتارلىق قىسىمنىڭ كۇشەيۋىنە بايلانىستى ۇلتتىق بانك 125،6 ميلليون اقش دوللارى كولەمىندە ۆاليۋتالىق ينتەرۆەنسيالار جۇرگىزدى. ينتەرۆەنسيالاردى جۇرگىزۋ الىپساتارلىق بەلسەندىلىكتى تومەندەتۋگە جانە نارىقتا قاجەتتى وتىمدىلىكتى قامتاماسىز ەتۋگە مۇمكىندىك بەردى، دەپ حابارلايدى Dalanews.kz.
بۇل تۋرالى ق ر ۇلتتىق بانك بۇگىن ۆاليۋتا نارىعىنداعى اتالعان شارانىڭ قورىتىندىسىن جاريالادى.
"شىلدە ايىنىڭ قورىتىندىسى بويىنشا تەڭگە باعامى 1 اقش دوللارى ءۇشىن 540،72 تەڭگەگە دەيىن، 4%-عا السىرەدى. قازاقستان قور بيرجاسىنداعى ساۋدا-ساتتىقتىڭ ورتاشا ايلىق كولەمى ءبىر ايدا 235 ملن اقش دوللارىنان 260 ملن اقش دوللارىنا دەيىن ۇلعايدى. جالپى ساۋدا-ساتتىق كولەمى 5،7 ملرد اقش دوللارىن قۇرادى"، دەلىنگەن ۇلتتىق بانكتىڭ تۇسىنىكتەمەسىندە.
ۇلتتىق بانك جۇرگىزىلگەن ينتەرۆەنسيا نارىقتاعى الىپساتارلىق بەلسەندىلىكتى تومەندەتىپ، جاعدايدى تۇراقتانىرۋعا سەپ بولا العانىن باسا اتاپ كورسەتەدى.
بۇعان دەيىن سايتىمىزدا "باعا 448-دەن 443-كە ءبىر-اق ءتۇستى". ۇلتتىق بانك ۆاليۋتالىق ينتەرۆەنسيا جۇرگىزدى مە؟" دەگەن ماتەريال جاريالانعان.
