Ulttyq banktiń burynǵy orynbasary Esjan Birtanov pen Erjan Aǵybaev Qarjy naryǵyn retteý jáne damytý agenttiginen "Tansar Capital" aktsionerlik qoǵamynyń iri (janama) qatysýshylary mártebesin alýǵa ruqsat aldy, dep habarlaidy Dalanews.kz.
Bul ruqsat 2024 jylǵy 21 qazanda berilgeni naqtylanady.
"Tansar Capital" AQ investitsiialyq kompaniiasy 1995 jyldyń shildesinde quryldy, ol buryn "Caifc Investment GROUP"AQ dep atalǵan. Kompaniianyń erikti zeinetaqy jarnalaryn tartý quqyǵynsyz investitsiialyq portfeldi basqarý jónindegi brokerlik jáne dilerlik qyzmetterdi júzege asyrýǵa quqyq beretin litsenziiasy bar. Sondai-aq, olar aqsha aiyrbasy operatsiialaryn júrgizýge arnalǵan litsenziiaǵa da ie. Kompaniia KASE jáne AHQO tizimine engen.
KASE derekteri boiynsha, 2024 jylǵy 1 qazanda kompaniianyń menshikti kapitaly 4,2 mlrd teńgeden, aktivteri 4,4 mlrd teńgeden asady, qańtar-qyrkúiek ailary aralyǵyndaǵy taza tabysy 866,3 mln teńgeni quraidy.
Kompaniia saitynyń málimetinshe, Esjan Birtanov Tansar Capital direktorlar keńesin basqarady, al Erjan Aǵybaev direktorlar keńesiniń múshesi, kompaniia basqarmasynyń tóraǵasy bolyp tabylady.
2023 jylǵy aýdit esebi derekterine súiensek, kompaniia "Tansar Group" AQ-tyń enshiles qurylymy bolyp tabylady.
Esjan Birtanovtyń baǵaly qaǵazdar naryǵynda 25 jyldan astam tájiribesi bar. Ol ulttyq qordy qurýǵa da at salysqan. Sondai-aq kezinde Ulttyq banktiń Ulttyq investitsiialyq korporatsiiasyna, Qazaqstan qor birjasyna, Ulttyq investitsiialyq korporatsiiaǵa basshylyq etken. Sondai-aq, Ulttyq bank tóraǵasynyń orynbasary, Standard Life ÓSK, Turǵyn úi qurylys jinaq banki (qazirgi Otbasy banki), Qazaqstan damý banki direktorlar keńesteriniń múshesi bolǵan.
Erjan Aǵybaevtyń qarjy salasynda 20 jyldan astam tájiribesi bar, QR Ulttyq bankinde, ekinshi deńgeidegi bankterde, basqarýshy kompaniialarda, onyń ishinde basshylyq qyzmetterde ártúrli laýazymy atqarǵan.
