Qazaqstan Ulttyq Banki «Jaratylys syrlary» monetalar seriiasynan MYSYRLYQ TANYM kollektsiialyq monetalaryn ainalysqa shyǵarady, dep habarlaidy Dalanews.kz.
Monetalar 2025 jylǵy 3 jeltoqsannan bastap ulttyq banktiń internet-dúkeni arqyly satylady.
MYSYRLYQ TANYM monetasynyń dizainy ejelgi Mysyr men qazirgi zamanǵy dúnietanymdy biriktiredi. Monetanyń tantal bóliginde – Mysyr qudailary, kúmis bóliginde – tehnologiia simvoldary men olardyń transformatsiiasy beinelengen.
Birneshe quramnan turatyn MYSYRLYQ TANYM kollektsiialyq monetasynda kúrdeli tehnologiia qoldanylǵan. 925 synamaly kúmisten jasalǵan monetanyń tantal qondyrmasy bar. Monetanyń jalpy massasy – 162,2 gramm, daiyndaý sapasy – «proof», nominaly – 2000 teńgelik, daiyndaý taralymy – 400 (tórt júz) dana.
Kollektsiialyq monetalar Qazaqstan Respýblikasynyń búkil aýmaǵynda ózderiniń belgilengen qunyna sai tólemderdiń barlyq túri boiynsha qabyldanýǵa, sondai-aq eldiń barlyq bankinde bank shottaryna esepke alynýǵa, aýdarýǵa, usaqtalýǵa jáne aiyrbastalýǵa jatady.
Kollektsiialyq monetalar Qazaqstan teńge saraiynda daiyndaldy.
