قازاقستان ۇلتتىق بانكٸ «جاراتىلىس سىرلارى» مونەتالار سەريياسىنان MYSYRLYQ TANYM كوللەكتسييالىق مونەتالارىن اينالىسقا شىعارادى, دەپ حابارلايدى Dalanews.kz.
مونەتالار 2025 جىلعى 3 جەلتوقساننان باستاپ ۇلتتىق بانكتٸڭ ينتەرنەت-دٷكەنٸ ارقىلى ساتىلادى.
MYSYRLYQ TANYM مونەتاسىنىڭ ديزاينى ەجەلگٸ مىسىر مەن قازٸرگٸ زامانعى دٷنيەتانىمدى بٸرٸكتٸرەدٸ. مونەتانىڭ تانتال بٶلٸگٸندە – مىسىر قۇدايلارى, كٷمٸس بٶلٸگٸندە – تەحنولوگييا سيمۆولدارى مەن ولاردىڭ ترانسفورماتسيياسى بەينەلەنگەن.
بٸرنەشە قۇرامنان تۇراتىن MYSYRLYQ TANYM كوللەكتسييالىق مونەتاسىندا كٷردەلٸ تەحنولوگييا قولدانىلعان. 925 سىنامالى كٷمٸستەن جاسالعان مونەتانىڭ تانتال قوندىرماسى بار. مونەتانىڭ جالپى ماسساسى – 162,2 گرامم, دايىنداۋ ساپاسى – «proof», نومينالى – 2000 تەڭگەلٸك, دايىنداۋ تارالىمى – 400 (تٶرت جٷز) دانا.
كوللەكتسييالىق مونەتالار قازاقستان رەسپۋبليكاسىنىڭ بٷكٸل اۋماعىندا ٶزدەرٸنٸڭ بەلگٸلەنگەن قۇنىنا ساي تٶلەمدەردٸڭ بارلىق تٷرٸ بويىنشا قابىلدانۋعا, سونداي-اق ەلدٸڭ بارلىق بانكٸندە بانك شوتتارىنا ەسەپكە الىنۋعا, اۋدارۋعا, ۇساقتالۋعا جەنە ايىرباستالۋعا جاتادى.
كوللەكتسييالىق مونەتالار قازاقستان تەڭگە سارايىندا دايىندالدى.
