Ulttyq Bank tsifrlyq qarjy infraqurylymy jobalaryn iske asyrý jáne tsifrlyq aktivter naryǵyn retteý baǵytynda zańnamaǵa engiziletin birqatar túzetýler men ózgerister jobasyn ázirledi. Bul týraly búgin Ulttyq Bank tóraǵasynyń orynbasary Berik Sholpanqulov málim etti, dep habarlaidy Dalanews.kz.
Sholpanqulovtyń aitýynsha, Ulttyq tsifrlyq qarjy infraqurylymynyń mártebesin, maqsaty men mindetin bekitetinzańnamalyq ózgertýler jobasy ázirlendi.
Túzetýler eki blokty qamtidy:
- Birinshi blokta tsifrlyq qarjy aktivteriniń quqyqtyq mártebesin anyqtai otyryp olardy iske qosý kózdeledi.
- Ekinshi blokta kriptovaliýta qyzmetin jetkizýshilerdi litsenziialaý arqyly qamtamasyz etilmegen kriptovaliýtalardyń ainalymyn retteý isin engizý máselesi qarastyrylady.
"Zańnamalyq bastamalarmen qatar Ulttyq Bankte tsifrlyq aktivter boiynsha retteýshi orta qurylady. Onyń aiasynda naryq qatysýshylary túrli innovatsiialyq servister men tehnologiialardy synaqtan ótkize alady", - deidi Berik Sholpanqulov Ulttyq Bankte ótken brifing barysynda.
Aita ketsek, qazirgi ýaqytta elimizde kriptovaliýtalardyń zańdy ainalymy tek "Astana" halyqaralyq qarjy ortalyǵy bazasynda iske qosylǵan arnaiy pilottyq joba aiasynda júrýde.
Buǵan deiin saitymyzda "Májilis depýtaty Ulttyq bank janynan kriptovaliýtalardy saqtaityn memlekettik rezerv qurýdy usyndy" degen maqala jariialanǵan bolatyn. Sondai-aq bizden "Májiliste qamtamasyz etilmegen tsifrlyq aktivterdi paidalanýshylardy jazalamaý usynyldy" degen materialmen de tanysa alasyzdar.
