ۇلتتىق بانك سيفرلىق قارجى ينفراقۇرىلىمى جوبالارىن ىسكە اسىرۋ جانە سيفرلىق اكتيۆتەر نارىعىن رەتتەۋ باعىتىندا زاڭناماعا ەنگىزىلەتىن ءبىرقاتار تۇزەتۋلەر مەن وزگەرىستەر جوباسىن ازىرلەدى. بۇل تۋرالى بۇگىن ۇلتتىق بانك ءتوراعاسىنىڭ ورىنباسارى بەرىك شولپانقۇلوۆ ءمالىم ەتتى، دەپ حابارلايدى Dalanews.kz.
شولپانقۇلوۆتىڭ ايتۋىنشا، ۇلتتىق سيفرلىق قارجى ينفراقۇرىلىمىنىڭ مارتەبەسىن، ماقساتى مەن مىندەتىن بەكىتەتىنزاڭنامالىق وزگەرتۋلەر جوباسى ازىرلەندى.
تۇزەتۋلەر ەكى بلوكتى قامتيدى:
- ءبىرىنشى بلوكتا سيفرلىق قارجى اكتيۆتەرىنىڭ قۇقىقتىق مارتەبەسىن انىقتاي وتىرىپ ولاردى ىسكە قوسۋ كوزدەلەدى.
- ەكىنشى بلوكتا كريپتوۆاليۋتا قىزمەتىن جەتكىزۋشىلەردى ليسەنزيالاۋ ارقىلى قامتاماسىز ەتىلمەگەن كريپتوۆاليۋتالاردىڭ اينالىمىن رەتتەۋ ءىسىن ەنگىزۋ ماسەلەسى قاراستىرىلادى.
"زاڭنامالىق باستامالارمەن قاتار ۇلتتىق بانكتە سيفرلىق اكتيۆتەر بويىنشا رەتتەۋشى ورتا قۇرىلادى. ونىڭ اياسىندا نارىق قاتىسۋشىلارى ءتۇرلى يننوۆاسيالىق سەرۆيستەر مەن تەحنولوگيالاردى سىناقتان وتكىزە الادى"، - دەيدى بەرىك شولپانقۇلوۆ ۇلتتىق بانكتە وتكەن بريفينگ بارىسىندا.
ايتا كەتسەك، قازىرگى ۋاقىتتا ەلىمىزدە كريپتوۆاليۋتالاردىڭ زاڭدى اينالىمى تەك "استانا" حالىقارالىق قارجى ورتالىعى بازاسىندا ىسكە قوسىلعان ارنايى پيلوتتىق جوبا اياسىندا جۇرۋدە.
بۇعان دەيىن سايتىمىزدا "ءماجىلىس دەپۋتاتى ۇلتتىق بانك جانىنان كريپتوۆاليۋتالاردى ساقتايتىن مەملەكەتتىك رەزەرۆ قۇرۋدى ۇسىندى" دەگەن ماقالا جاريالانعان بولاتىن. سونداي-اق بىزدەن "ماجىلىستە قامتاماسىز ەتىلمەگەن سيفرلىق اكتيۆتەردى پايدالانۋشىلاردى جازالاماۋ ۇسىنىلدى" دەگەن ماتەريالمەن دە تانىسا الاسىزدار.
