Ulttyq Bank sarapshylar qaýymdastyǵy arasynda júrgizilgen kezekti makroekonomikalyq saýalnamanyń nátijesin jariialady. Saýalnamaǵa elimizde makroekonomikalyq kórsetkishterin taldap, boljaýmen ainalysatyn 16 uiym qatysqanyn, al respondentterdiń qataryna naryqtyń kásibi qatysýshylary, zertteý institýttary, halyqaralyq uiymdar men reitingtik agenttikter engenin basa aita ketelik, dep habarlaidy Dalanews.kz.
Aldymen qazir baǵamy shatqaiaqtap turǵan ulttyq valiýtamyzǵa qatysty qarjy salasynyń ókilderi ne oilaitynyn alǵa tarta ketelik.
2025 jyly boiyndaǵy USD/KZT jubynyń ortasha baǵamy 525,3 teńge (522,8), al 2026 jyly 552 teńge (541,5), 2027 jyly 568 teńge (562,5) bolady dep boljanady.
Munai baǵasy men ekonomika ósimi
Munai baǵasy boiynsha stsenarii sharttary barlyq boljamdy kezeńde tómendep otyrady dep sanalady.
2025 jyly Brent markaly munaidyń baǵasy 1 barrel úshin orta eseppen 69 AQSh dollary, al 2026 jáne 2027 jyldary tiisinshe 64,7 jáne 65,6 AQSh dollary deńgeiinde bolady dep kútiledi.
Degenmen, Qazaqstan ekonomikasynyń ósimine qatysty boljamdar jaqsarý turǵysynda qaralǵan: 2025 jylǵa JIÓ ósmine qatysty boljam: 5,2%-dan 5,6%-ǵa, 2026 jyly 4,7%-dan 4,8%-ǵa, 2027 jyly 4,4%-dan 4,8%-ǵa ósedi.
Infliatsiia men bazalyq mólsherleme
Sarapshylar infliatsiiaǵa qatysty boljamdaryn ósý turǵysynda qaita qarady. Sóitip 2025 jylǵa jasalǵan boljamdardyń medianasy 11,3%-dan 12%-ǵa, 2026 jylǵa 9,5%-dan 10%-ǵa, 2027 jylǵa 6,5%-dan 7%-ǵa deiin kóterildi.
Infliatsiiaǵa qatysty boljamdardyń ósýine bailanysty respondentter búkil boljamdyq kezeńde bazalyq mólsherleme joǵary bolady dep kútedi. 2025 jylǵa boljamdardyń medianasy 16,5%-dan 16,6%-ǵa deiin, 2026 jylǵa 14,3%-dan 14,8%-ǵa deiin, 2027 jylǵa 11,3%-dan 12%-ǵa deiin sál ósti.
Buǵan deiin Halyk Finance Ulttyq qor men Ulttyq bank operatsiialaryna súiene otyryp, teńgeniń qysqa jáne orta merzimdi perspektivalaryna boljam jasaǵan bolatyn. Oǵan sáikes, 2025 jyldyń aiaǵyna deiin 1 AQSh dollarynyń quny 550-560 teńge aralyǵyn qamtidy dep kútiledi.
