Qazaqstan men Chehiianyń quqyq qorǵaý organdary birlesken operatsiia barysynda Qazaqstan jáne TMD elderi azamattarynyń jeke deregin zańsyz taratýmen ainalysqan halyqaralyq qylmystyq toptyń qyzmetin toqtatty, dep habarlaidy dalanews.kz.
Jedel izdestirý sharalary aiasynda kúdiktilerdiń turǵylyqty mekenjailarynda, sonyń ishinde Chehiianyń Ýsti-nad-Labem qalasynda, Astana, Almaty jáne Qaraǵandy qalalarynda tintý júrgizilgen.
Tergeý barysynda kóptegen tsifrlyq aqparat tasymaldaǵysh, qolma-qol aqsha tárkilengen.
IIM málimetine súiensek, kúdiktiler qylmystyq áreketin júzege asyrý úshin Qazaqstan jáne kórshiles elder azamattarynyń jeke deregi ornalastyrylǵan jabyq internet-resýrs qurǵan.
Tergeý derekterine qaraǵanda, top naqty mindetterge bólingen qurylym boiynsha jumys istegen. Onyń músheleri qylmystyq shemany úilestirýden bastap, jeke málimetti zańsyz anyqtaýǵa qatysty tapsyrystardy qabyldaý jáne óńdeýmen ainalysqan. Al zańsyz tabysty jasyrý jáne qolma-qol aqshaǵa ainaldyrý úshin drop akkaýnttar paidalanylǵan.
IIM Kiberqylmysqa qarsy is-qimyl departamentiniń bastyǵy Jandos Súiinbaidyń aitýynsha, qylmystyq shemany uiymdastyrdy degen kúdikke ilingen adamdar ustalyp, ýaqytsha ustaý izoliatoryna qamalǵan. Qazir tergeý jalǵasyp jatyr.
