ۇلتتىق بانك ساراپشىلار قاۋىمداستىعى اراسىندا جۇرگىزىلگەن كەزەكتى ماكروەكونوميكالىق ساۋالنامانىڭ ناتيجەسىن جاريالادى. ساۋالناماعا ەلىمىزدە ماكروەكونوميكالىق كورسەتكىشتەرىن تالداپ، بولجاۋمەن اينالىساتىن 16 ۇيىم قاتىسقانىن، ال رەسپوندەنتتەردىڭ قاتارىنا نارىقتىڭ كاسىبي قاتىسۋشىلارى، زەرتتەۋ ينستيتۋتتارى، حالىقارالىق ۇيىمدار مەن رەيتينگتىك اگەنتتىكتەر ەنگەنىن باسا ايتا كەتەلىك، دەپ حابارلايدى Dalanews.kz.
الدىمەن ءقازىر باعامى شاتقاياقتاپ تۇرعان ۇلتتىق ۆاليۋتامىزعا قاتىستى قارجى سالاسىنىڭ وكىلدەرى نە ويلايتىنىن العا تارتا كەتەلىك.
2025 جىلى بويىنداعى USD/KZT جۇبىنىڭ ورتاشا باعامى 525،3 تەڭگە (522،8)، ال 2026 جىلى 552 تەڭگە (541،5)، 2027 جىلى 568 تەڭگە (562،5) بولادى دەپ بولجانادى.
مۇناي باعاسى مەن ەكونوميكا ءوسىمى
مۇناي باعاسى بويىنشا سەناريي شارتتارى بارلىق بولجامدى كەزەڭدە تومەندەپ وتىرادى دەپ سانالادى.
2025 جىلى Brent ماركالى مۇنايدىڭ باعاسى 1 باررەل ءۇشىن ورتا ەسەپپەن 69 اقش دوللارى، ال 2026 جانە 2027 جىلدارى تيىسىنشە 64،7 جانە 65،6 اقش دوللارى دەڭگەيىندە بولادى دەپ كۇتىلەدى.
دەگەنمەن، قازاقستان ەكونوميكاسىنىڭ وسىمىنە قاتىستى بولجامدار جاقسارۋ تۇرعىسىندا قارالعان: 2025 جىلعا ءجىو وسمىنە قاتىستى بولجام: 5،2%-دان 5،6%-عا، 2026 جىلى 4،7%-دان 4،8%-عا، 2027 جىلى 4،4%-دان 4،8%-عا وسەدى.
ينفلياسيا مەن بازالىق مولشەرلەمە
ساراپشىلار ينفلياسياعا قاتىستى بولجامدارىن ءوسۋ تۇرعىسىندا قايتا قارادى. ءسويتىپ 2025 جىلعا جاسالعان بولجامداردىڭ مەدياناسى 11،3%-دان 12%-عا، 2026 جىلعا 9،5%-دان 10%-عا، 2027 جىلعا 6،5%-دان 7%-عا دەيىن كوتەرىلدى.
ينفلياسياعا قاتىستى بولجامداردىڭ وسۋىنە بايلانىستى رەسپوندەنتتەر بۇكىل بولجامدىق كەزەڭدە بازالىق مولشەرلەمە جوعارى بولادى دەپ كۇتەدى. 2025 جىلعا بولجامداردىڭ مەدياناسى 16،5%-دان 16،6%-عا دەيىن، 2026 جىلعا 14،3%-دان 14،8%-عا دەيىن، 2027 جىلعا 11،3%-دان 12%-عا دەيىن ءسال ءوستى.
بۇعان دەيىن Halyk Finance ۇلتتىق قور مەن ۇلتتىق بانك وپەراسيالارىنا سۇيەنە وتىرىپ، تەڭگەنىڭ قىسقا جانە ورتا مەرزىمدى پەرسپەكتيۆالارىنا بولجام جاساعان بولاتىن. وعان سايكەس، 2025 جىلدىڭ اياعىنا دەيىن 1 اقش دوللارىنىڭ قۇنى 550-560 تەڭگە ارالىعىن قامتيدى دەپ كۇتىلەدى.
