Qazaq Expert Club-تىڭ بٸلٸم بەرۋ سالاسىنداعى ساراپشىسى جازيرا اسانوۆانىڭ پٸكٸرٸنشە, قازاقستانداعى بٸلٸم بەرۋ تەڭسٸزدٸگٸ تۋرالى قالىپتاسقان تٷسٸنٸك بٷگٸندە ٶزەكتٸلٸگٸن جوعالتا باستاعان, دەپ حابارلايدى dalanews.kz.
ساراپشى PISA for Schools زەرتتەۋٸنٸڭ كەيٸنگٸ ٷش جىلداعى نەتيجەلەرٸنە نازار اۋداردى. ونىڭ مەلٸمەتٸنشە, اۋىل وقۋشىلارى ماتەماتيكا پەنٸ بويىنشا قالاداعى قۇرداستارىنان جوعارى نەتيجە كٶرسەتٸپ كەلەدٸ. الايدا وقۋ ساۋاتتىلىعى مەن جاراتىلىستانۋ عىلىمدارى بويىنشا قالا مەكتەپتەرٸنٸڭ ارتىقشىلىعى ساقتالعان.
جازيرا اسانوۆا مۇنى بٸلٸم ساپاسىنداعى مەسەلە مەكتەپتەردٸڭ ماتەريالدىق جاعدايىنا نەمەسە وقىتۋ دەڭگەيٸنە عانا بايلانىستى ەمەس ەكەنٸن كٶرسەتەتٸن ٷردٸس دەپ باعالايدى.
ونىڭ ايتۋىنشا, كەيٸنگٸ جىلدارى اۋىل مەكتەپتەرٸن دامىتۋعا باعىتتالعان جوبالار تابىستى جٷزەگە اسىپ جاتىر. مەسەلەن, كاتونقاراعاي اۋدانىنداعى ٶرەل تٸرەك مەكتەبٸ ورتالىق ازييا مەن تمد اۋماعىنداعى العاشقى Google Reference School مەرتەبەسٸنە يە بولعان.
ساراپشىنىڭ پٸكٸرٸنشە, قازٸر نەگٸزگٸ الشاقتىق مەكتەپتەردٸڭ اراسىندا ەمەس, بٸلٸم بەرۋ ورتاسىندا بايقالادى.
"ماتەماتيكادان جاقسى نەتيجە كٶرسەتۋگە مەكتەپ ىقپال ەتە الادى. ال وقۋ ساۋاتتىلىعى تەك سىنىپتاعى بٸلٸممەن شەكتەلمەيدٸ. وعان وتباسى, كٸتاپقا قولجەتٸمدٸلٸك, مەدەني تەجٸريبە, تەلٸمگەرلەر مەن قوسىمشا بٸلٸم بەرۋ مٷمكٸندٸكتەرٸ ەسەر ەتەدٸ", – دەيدٸ ول.
جازيرا اسانوۆا اۋىل مەكتەپتەرٸن ينتەرنەتپەن قامتاماسىز ەتۋ جەنە جاساندى ينتەللەكت قۇرالدارىن ەنگٸزۋ ماڭىزدى قادام ەكەنٸن اتاپ ٶتتٸ. دەگەنمەن تسيفرلىق تەڭدٸك كٶبٸنە مەكتەپ قابىرعاسىنان شىققان سوڭ اياقتالادى.
ساراپشىنىڭ سٶزٸنشە, اۋىلدىق جەرلەردە بالالار ٷشٸن قوسىمشا بٸلٸم بەرۋ مٷمكٸندٸگٸ شەكتەۋلٸ. ال قالاداعى وقۋشىلار ساباقتان كەيٸن تٷرلٸ ٷيٸرمەلەرگە, كۋرستارعا جەنە رەپەتيتورلارعا قاتىسا الادى. ول بٸلٸم بەرۋ تەڭسٸزدٸگٸ جوعارى وقۋ ورنىنا تٷسۋ كەزەڭٸندە دە بايقالاتىنىن ايتتى. سوندىقتان مەملەكەتتٸك گرانتتار اۋىل جاستارى ٷشٸن جوعارى بٸلٸم الۋدىڭ ماڭىزدى تەتٸگٸ بولىپ وتىر.
جازيرا اسانوۆا بٸلٸم بەرۋ سالاسىنداعى الشاقتىقتى ازايتۋ ٷشٸن ٷش باعىتقا باسىمدىق بەرۋ قاجەت دەگەن پٸكٸردە. ولار - مۇعالٸمدەردٸڭ كەسٸبي بايلانىسىن كٷشەيتۋ, وقۋشىلار ٷشٸن ساباقتان تىس مٷمكٸندٸكتەردٸ كەڭەيتۋ جەنە مەكتەپتٸڭ جەرگٸلٸكتٸ قاۋىمداستىقتىڭ دامۋ ورتالىعىنا اينالۋىنا جاعداي جاساۋ.
