2025 jyldyń 22 shildesinde apelliatsiialyq sot alqasy Aqmaral Tóken men Ulttyq bank arasyndaǵy azamattyq daýdy qarady. Ulttyq bank magistratýrada oqý týraly kelisimsharttyń sharttary buzyldy dep eseptep, jas mamannan 17 mln teńge óndirip alýdy talap etip otyr. Al jaýapker kelisimshartty oryndaýǵa ózi nietti bolǵanymen, bank múmkindik bermedi deidi. Bul týraly ol Kýrsiv media basylymyna málimdedi, dep habarlaidy Dalanews.kz.
Ulttyq banktiń ýáji
Birinshi instantsiia soty Aqmaral Tókennen 17 mln teńge kóleminde shyǵyn óndirý týraly sheshim shyǵarǵan. Talapker taraptyń aitýynsha, bank magistratýra stýdentterine oqý aqysyn tólep, ai saiyn stipendiia retinde 700 myń teńgeden astam qarajat bergen. Shartqa sai, túlek oqýyn aiaqtaǵan soń bank usynǵan bos jumys ornyna ornalasyp, úsh jyl jumys isteýge mindetti bolǵan. Eger bul talap oryndalmasa, bankke jumsalǵan shyǵyndy qaitarýy tiis.
Alaida Aqmaral Tóken bul somamen kelispeidi. Onyń aitýynsha, naqty alǵan stipendiiasy 130 500 teńgeni ǵana quraǵan. Ol Ulttyq bankte 10 ai jumys istegen, biraq bul merzim kelisimsharttaǵy úsh jyldyq mindettemeni oryndaý retinde eseptelmegen.
Jumys barysyndaǵy janjal
Apelliatsiialyq sot otyrysyna jaýapker jumys istegen departament basshysynyń orynbasary qatysty. Alaida ol birinshi satydaǵy sotqa qatyspaǵan.
"Aqmaral Tókenmen kisimen birge kóptegen magistrantty jumysqa aldyq. Bárimen bir jyldyq shartqa qol qoidyq. Keibirimen úsh ailyq synaq merzimin engizdik. Aqmaral Tókenge eshqandai úsh ailyq merzim qoiǵan joqpyz. Sebebi ol kisilerdiń biliktiligine sendik. Alaida jumys barysynda kóptegen másele týyndady. Jaýapker bizdiń Ulttyq banktiń korporativtik mádenietiniń qaǵidattaryn ustanbaý faktileri bar. Ony dáleldei alamyz. Kýágerler bar", – deidi talapker taraby.
Aitýynsha, jaýapker jumys istegen kezde jii janjal shyǵarǵan.
"Bul kisi bizdiń eńbek sharttaryn oryndamady, konfliktige bardy. 29 naýryzda aryz túsirip, bir kún ishinde bala qaraý boiynsha eńbek demalysyna ketemin dedi. Zań boiynsha biz ony berdik. Jumysy bitken joq, ózi AQSh-qa baryp keldi. Sol kezde bul kisiniń Ulttyq bankte jumys isteýge múddeli emes ekenin baiqadyq. Sol sebepti zańdy quqyǵymyzdy paidalandyq", – dedi Ulttyq bank qyzmetkeri.
Sodan keiin sýdia 17 million teńge kólemindegi talap aryzdan bir jyldyq eńbek ótiline sáikes keletin somany shegerýge bola ma dep surady. Alaida bank ókili mekeme dekrettik demalystaǵy anadan talapty tolyq kólemde óndirip alýǵa nietti ekenin aitty.
Aqmaral Tókenniń ýáji
Eki balanyń anasy Aqmaral Tóken 2019 jyly Maqsut Narikbayev University-di támamdaǵan, Duke University (AQSh) jáne Lej ýniversitetinde (Belgiia) bilim alǵan. Qazir Astanadaǵy MNU ýniversitetinde aǵa oqytýshy bolyp jumys isteidi.
"Dekrettik demalysta otyrǵanymda eńbek shartynyń merzimi aiaqtalýyna bailanysty ony toqtatý týraly habarlama aldym. Sonymen qatar Ulttyq bank oqý shyǵyny retinde jumsaǵan 17 144 419 teńgeni óteý týraly talap joldaǵan. Men mindettemelerden bas tartqan joqpyn. Kelisimshart boiynsha jumys isteý mindetin oryndaý úshin ony uzartýdy birneshe ret jeke jáne e-Otinish arqyly jazbasha túrde suradym. Alaida men dekretten shyqqan kúni-aq kelisimshartty toqtatty", – dedi Aqmaral Tóken KursivMedia tilshisine bergen suhbatynda.
Keiinirek Ulttyq bank oqý shyǵyndaryn tolyq kólemde óteý týraly talap aryz bergen.
Tókenniń aitýynsha, birinshi satydaǵy sotta Ulttyq bank ókilderi onyń biliktiligine nemese jumysynyń sapasyna eshqandai shaǵymdary joq ekenin aitqan.
"Birinshi satydaǵy sot meniń kelisimshart talaptaryn oryndaýǵa múmkindigim bolmaǵanyna qaramastan, banktyń talabyn qanaǵattandyrdy", – dedi Aqmaral Tóken.
