Qazaqstan Ulttyq banki 6 naýryzda bazalyq mólsherlemeni jyldyq 18% deńgeiinde ózgerissiz qaldyrýy múmkin, dep habarlaidy Dala news.
Reuters agenttigi saýalnama júrgizgen toǵyz sarapshynyń barlyǵy da retteýshi mólsherlemeni qazirgi deńgeide saqtaidy degen pikirde.
Eske salaiyq, 2025 jyldyń qazan aiynda infliatsiianyń jedeldeýine bailanysty Ulttyq bank bazalyq mólsherlemeni 16,5%-dan 18%-ǵa deiin kótergen bolatyn. 2026 jyldyń qańtarynda retteýshi bul kórsetkishti ózgerissiz qaldyryp, mólsherleme birinshi jartyjyldyqtyń sońyna deiin osy deńgeide saqtalýy yqtimal ekenin málimdegen.
Ulttyq statistika derekterine sáikes, 2025 jyly Qazaqstandaǵy infliatsiia 12,3%-ǵa deiin jedeldedi. Al 2026 jylǵa arnalǵan boljam 9,5–12,5% aralyǵynda. Aqpanda ailyq infliatsiia 1,1% bolyp, qańtardaǵy 1,0%-dan joǵarylady.
Eýraziialyq damý bankiniń eldik taldaý ortalyǵynyń jetekshisi Artýr Sharafýtdinovtiń pikirinshe, retteýshi infliatsiialyq kútýlerdi turaqtandyrý úshin mólsherlemeni qazirgi deńgeide saqtaýy yqtimal.
Al Halyk Finance sarapshylary qazirgi jaǵdaida bazalyq mólsherlemeni tómendetýge negiz joq ekenin aitady. Olardyń boljamynsha, kommýnaldyq tarifterdiń ósýine bailanysty infliatsiia jyl sońyna qarai shamamen 10,5–11,5% deńgeiinde bolýy múmkin.
