QR Ulttyq Bank tóraǵasy Timýr Súleimenov arnaiy ótken brifing barysynda jýrnalister qoiǵan saýaldarǵa jaýap bere otyryp, "Samuryq-Qazyna" ulttyq ál-aýqat qoryn taratý usynysyna qatysty óz pikirin bildirdi, dep habarlaidy Dalanews.kz.
Timýr Súleimenov "Samuryq-Qazyna" UÁQ" AQ bastapqyda naqty sektordaǵy barlyq memlekettik aktivterdiń biryńǵai qaǵidattar boiynsha, biryńǵai tártipke sai biryńǵai maqsatta biryńǵai júiede bolýy úshin qurylǵan.
"Meniń oiymsha, qazirgi qor buǵan qol jetkize aldy. Eger taratý júrgizilse, onda olar salalyq ministrlikterdiń qaramaǵyna ótip, máseleni ministr sheshýi kerek bolady. Biraq, meniń oiymsha, mundai jaǵdaida ashyqtyq joiylyp, shatasýlar kóp bolady, óitkeni biryńǵai vertikal joq qoi", - deidi ol bul rette.
Onyń aitýynsha, mundai ortalyqtandyrý júiesi báribir qajet.
"Ony álemdegi eń tiimdi qor dep eshkim aityp jatqan joq. Biraq, soǵan qaramastan, biz árqashan balama jaǵdailarǵa kóz júgirtýimiz kerek. Meniń oiymsha, balamasy nashar. Al úkimettiń, qordyń da óz-ózin jetildirý turǵysynda júrgizip jatqan reformasyna keletin bolsaq, onda bul suraqty solardyń ózine baǵyttaǵan durys bolady", - dep sózin túiindedi Ulttyq Bank basshysy.
Aita ketsek, "Samuryq-Qazyna" ulttyq ál-aýqat qorynda reforma júrip jatqanyna biraz boldy. Alaida, biyl, 2025 jyly 27 qańtarda ótken Úkimettiń keńeitiligen otyrysynda Memleket basshysy atalǵan reforma barysyna kóńili tolmaitynyn jetkizdi, sóitip aqpan aiynda bul máseleni mai-shammen qaraitynyn aitqan. Al 21 aqpanda Prezident Joǵary aýditorlyq palata tóraǵasy Álihan Smailovty qabyldaǵanda "Samuryq-Qazyna" men birqatar ulttyq kompaniialarlarǵa aýditorlyq tekseris júrgiziletini de belgili boldy. Májilis qabyrǵasynda 2025 jyly 19 mamyrda depýtat Ádil Jubanov "Samuryq-Qazyna" qoryn taratýdy usyndy. Ol bir de bir otbasy múshesi kásipkerlikpen ainalyspaǵan, biraq bizde óte bai turatyn azamattardy biletinin, urlaýǵa yńǵaily bolý úshin barlyq bailyqty bir qolǵa ustatyp qoiǵanymyzdy aita kele, "Samuryq-Qazyna" qyzmetine qarsy ekenin, ony taratyp, básekelestik ortaǵa berý qajettigin aitty. Qarjyger-maman Iliias Isaev qor tarasa, eski Qazaqstannyń da dáýiri támamdalatyn siiaqty dep sanaidy. Qarjygerdiń pikirinshe, shetelge toqtamai, aǵylyp ketip jatqan aqshanyń artynda osy "úlken qus" turǵan sekildi. Al kúni keshe Májiliste esep bergen Joǵary palata tóraǵasy Álihan Smaiylov "Samuryq-Qazyna" qoryna aýdit júrgizilip jatqanyn, sonyń ishinde qor top-menedjerleriniń alǵan bonýstarynyń zańdy-zańsyzdyǵy da tekseriletinin aitty. Al búgin arnaiy brifing barysynda "Samuryq-Qazyna" UÁQ» AQ-nyń Damý jáne jekeshelendirý jónindegi basqarýshy direktory Saltanat Sátjan Joǵary aýditorlyq palata qorǵa aýdit júrgizip jatqanyn rastady. Onyń aitýynsha, aýdit bir aiǵa sozylady dep kútiledi.
