Túrkistan oblysynda burynǵy mektep direktory qyzmettik ókilettigin asyra paidalanyp, muǵalimderge zańsyz biliktilik sanatyn bergeni jáne para alǵany úshin sottaldy, dep habarlaidy dalanews.kz.
Is materialdaryna sáikes direktor mindetti test pen attestattaýdan ótpegen 12 muǵalimge zańsyz túrde biliktilik sanatyn rásimdegen. Sonyń saldarynan olarǵa biýdjetten 16 million teńgeden asa jalaqy negizsiz tólengen. Sondai-aq, onyń muǵalimderdiń birinen para alǵany anyqtalǵan.
Alǵashqy sot talqylaýynda aiyptalýshynyń kinási dáleldenbedi degen negizben aqtaý úkimi shyǵarylǵan. Alaida Bas prokýratýranyń kassatsiialyq narazylyǵynan keiin bul úkimniń kúshi joiylyp, is qaita qaraýǵa jiberilgen.
Apelliatsiialyq sot isti qaita qarap, burynǵy direktordy qyzmettik ókilettigin teris paidalaný jáne para alý baptary boiynsha kináli dep tanydy. Sot oǵan memlekettik qyzmette laýazym atqarý quqyǵynan ómir boiyna aiyra otyryp, 4 jyl 8 ai merzimge bas bostandyǵynan aiyrý jazasyn taǵaiyndady.
