تٷركٸستان وبلىسىندا بۇرىنعى مەكتەپ ديرەكتورى قىزمەتتٸك ٶكٸلەتتٸگٸن اسىرا پايدالانىپ, مۇعالٸمدەرگە زاڭسىز بٸلٸكتٸلٸك ساناتىن بەرگەنٸ جەنە پارا العانى ٷشٸن سوتتالدى, دەپ حابارلايدى dalanews.kz.
ٸس ماتەريالدارىنا سەيكەس ديرەكتور مٸندەتتٸ تەست پەن اتتەستاتتاۋدان ٶتپەگەن 12 مۇعالٸمگە زاڭسىز تٷردە بٸلٸكتٸلٸك ساناتىن رەسٸمدەگەن. سونىڭ سالدارىنان ولارعا بيۋدجەتتەن 16 ميلليون تەڭگەدەن اسا جالاقى نەگٸزسٸز تٶلەنگەن. سونداي-اق, ونىڭ مۇعالٸمدەردٸڭ بٸرٸنەن پارا العانى انىقتالعان.
العاشقى سوت تالقىلاۋىندا ايىپتالۋشىنىڭ كٸنەسٸ دەلەلدەنبەدٸ دەگەن نەگٸزبەن اقتاۋ ٷكٸمٸ شىعارىلعان. الايدا باس پروكۋراتۋرانىڭ كاسساتسييالىق نارازىلىعىنان كەيٸن بۇل ٷكٸمنٸڭ كٷشٸ جويىلىپ, ٸس قايتا قاراۋعا جٸبەرٸلگەن.
اپەللياتسييالىق سوت ٸستٸ قايتا قاراپ, بۇرىنعى ديرەكتوردى قىزمەتتٸك ٶكٸلەتتٸگٸن تەرٸس پايدالانۋ جەنە پارا الۋ باپتارى بويىنشا كٸنەلٸ دەپ تانىدى. سوت وعان مەملەكەتتٸك قىزمەتتە لاۋازىم اتقارۋ قۇقىعىنان ٶمٸر بويىنا ايىرا وتىرىپ, 4 جىل 8 اي مەرزٸمگە باس بوستاندىعىنان ايىرۋ جازاسىن تاعايىندادى.
