Qazaqstanda maýsym aiynyń qorytyndysy boiynsha jyldyq infliatsiia 10,3 paiyzǵa deiin tómendedi. Bul týraly Úkimet otyrysynda premer-ministrdiń orynbasary - ulttyq ekonomika ministri Serik Jumanǵarin málimdedi, dep habarlaidy dalanews.kz.
Ministrdiń aitýynsha, biyl Úkimettiń negizgi mindetteriniń biri - infliatsiia deńgeiin 10 paiyzdan tómen túsirý.
Onyń sózinshe, eldegi infliatsiialyq úderister birtindep turaqtalyp keledi. Maýsymdaǵy kórsetkish - Úkimet, Ulttyq bank jáne Qarjy naryǵyn retteý jáne damytý agenttiginiń 2026-2028 jyldarǵa arnalǵan makroekonomikalyq turaqtandyrý jáne halyqtyń ál-aýqatyn arttyrý baǵdarlamasy, sondai-aq, infliatsiiany baqylaý jáne tómendetý jónindegi keshendi sharalar aiasyndaǵy birlesken jumysynyń nátijesi.
Serik Jumanǵarinniń aitýynsha, elde teńgerimdi biýdjet saiasaty júrgizilip, aqsha-nesie saiasaty úilestirilip otyr. Sonymen qatar, básekelestikti damytýǵa, ishki óndiristi ulǵaitýǵa, naryqty taýarmen qamtamasyz etýge jáne biznes shyǵyndaryn azaitýǵa baǵyttalǵan sharalar qabyldanyp jatyr.
Eske salaiyq, mamyr aiynyń qorytyndysynda Qazaqstandaǵy jyldyq infliatsiia 10,4 paiyz bolǵan edi.
