Qurmetti Elbasy, Ulttyq arnanyń uiatsyzdyǵyn toqtatsańyz eken?!
«Túieniń tanityny japyraq» demekshi Atajurttan alystaǵy qandastaryńyz úshin sizden basqa janashyr eshkim joǵyn biletin bolarsyz. Muńymyzdy sizge shaǵyp, kórgen zábir-japamyzdy sizge aitpaǵanda basqa kimge aitamyz. Tarihi otanymyzdan jyraqta júrip, ózgeden kórgen zorekerligimiz bolsa, óz jaramyzdy ózimiz jalap jazar edik qoi, bul jolǵy aidyń-kúnniń amanynda Siz basqaryp otyrǵan Atajurttaǵy basty telearna sanalatyn «Qazaqstan» Ulttyq arnasyna qatysty bolyp tur.
«Sengen qoiym sen bolsań, kúisegenińdi uraiyn» deidi atam qazaq. Atajurttan alysta, at tóbelindei ǵana azǵana qazaqtyń tarihi otanymen bailanysatyn aqparat kózderiniń sany shekteýli ǵana. Biz úshin «alyp ketti», «julyp ketti», «asyp ketti», «shaýyp ketti» deitin jekemenshik arnalardan góri, Ózińizdi, kúlli qazaq kóz tigip, jatsaq-tursaq amandyǵyńyzdy tilep otyrǵan Sizdiń shynaiy eńbegińizdi, qazaq halqyna degen shyn janashyrlyǵyńyzdy kórip otyratyn «Qazaqstan» Ulttyq arnasy men «Habar» arnasy ǵana edi. Árine, kishkentai búldirshinderimiz úshin «Balapannyń» orny bólek.
[caption id="attachment_228198" align="aligncenter" width="423"]
Keshe osy Ulttyq arnamyz atam qazaqta bolmaǵan, estýge qulaq, kórýge kóz uialatyn dúnieni tapadai-taltúste kórsetti. «Áiel baqyty» dep atalatyn baǵdarlamada únemi jaqsy áńgimeler aitylyp, qazaqtyń qyz-kelinshekterine jol siltep, máselelerin talqylap kóńilimizden shyqqan edi. Ózi de súp-súikimdi Láilá qyzymyzdyń áiel baqyty degen sózdiń simvoly ispetti júrgizetin baǵdarlamasy da súikimdi edi.
«Qazaqstan» ulttyq arnasynan berilgen keshegi baǵdarlamany kórip, Nursultan Ábishuly ózińizge arnaiy arnap búgin qolyma qalam alýǵa týra keldi. Ulttyń rýhaniiatyna, alystaǵy Atajurtqa jaýtańdaǵan janarymyzǵa Ulttyq arnanyń usynar jańalyǵy osy ma edi?
Qazaq degen el bar dep, Qazaqstan degen arqatirek Atajurtymyz bar dep júrgende, alysty jaqyndatyp, aǵaiynǵa jaqsylyqtyń jarshysy bolar basty arnanyń bizge kórseteri osy ma edi? Álde Ulttyq arna urpaǵymyzdy qalai qyzteke jasaýdy úiretetin baǵdarshymyz bolyp pa edi? Áitpese adam retinde, qonaq retinde shaqyryp, pikirin bilip qana qaitarmai (tipti sol qyztekeni shyǵarmaýǵa bolmaityn bolsa), onyń nesin egjei-tegjeili qazbalap otyr? Álde qoǵamdaǵy azǵyndyq az bolyp barady dep otyr ma?
Ótken jeksenbi kúni ǵana sol Láilá qyzymyz «Balapan» telearnasynyń 6 jasqa tolǵan týǵan kúnin toilap, kishkentai balalarymyz úshin úlken qýanysh syilap edi. Bir kún ótpei jatyp, sol kishkentai búldirshinderimiz kóretin ýaqytta (kúndizgi saǵat 15-te) qyztekeler týraly málmet taratyp, jarnama jasap otyrǵanyn túsine almadyq.
Bir kezderi Ózińizdiń tikelei tapsyrmańyzben «Qazaqstan» arnasy tolyqtai qazaq tildi aqparat taratatyn bolǵanda barlyǵymyz da qýanyp edik. Sol qýanyshymyz alysqa barmaityn túri bar. Ótken aptada da ana bir ne qyz ekenderi, ne ul ekenderi belgisiz 91 degen topty kórsetip, taǵy da kóńilimizge kúdik uialatqan edi. Keshegisi mynaý.
Qurmetti Nursultan Ábishuly, osy arnanyń budan bylai azǵyndyqty, qazaqy túsinigimizge jat, qoǵamdaǵy keleńsiz jaǵdailardy kórsetýine tyiym salsańyz eken. Onsyzda urpaǵymyz ózge elderdiń atys-shabys, zorlyq-zombylyqty dáripteitin qýyrshaqtaryn kórip, ábden júrekteri qataiyp bitti.
Endi qalǵany ulttyń rýhaniiatyna qyzmet etedi, Sizdiń Táýelsizdik jolyndaǵy jemisti eńbegińizdi kórsetedi deitin «Qazaqstan» Ulttyq arnasynan da sondai qazaqylyǵymyzǵa jat dúnielerdi tamashalaýyna jol bermeseńiz eken deimin. Jáne keshegi «Áiel baqyty» baǵdarlamasyna qyzteke týraly shyǵarýǵa ruqsat bergen barlyq mamandardy qatań jazalaýyńyzdy suraimyz. Bul bizdiń túsinigimiz boiynsha kórermenderdiń suranysymen sanaspaý, televizor kórip otyrǵan qarapaiym halyqtyń kórermen retindegi quqyǵyn taptaý, olardyń ar-namysymen sanaspaý dep sanaimyz.
Sizge degen qurmetpen: Mońǵoliiada turatyn bir top qandas baýyrlaryńyz
