قۇرمەتتٸ ەلباسى, ۇلتتىق ارنانىڭ ۇياتسىزدىعىن توقتاتساڭىز ەكەن?!
«تٷيەنٸڭ تانيتىنى جاپىراق» دەمەكشٸ اتاجۇرتتان الىستاعى قانداستارىڭىز ٷشٸن سٸزدەن باسقا جاناشىر ەشكٸم جوعىن بٸلەتٸن بولارسىز. مۇڭىمىزدى سٸزگە شاعىپ, كٶرگەن زەبٸر-جاپامىزدى سٸزگە ايتپاعاندا باسقا كٸمگە ايتامىز. تاريحي وتانىمىزدان جىراقتا جٷرٸپ, ٶزگەدەن كٶرگەن زورەكەرلٸگٸمٸز بولسا, ٶز جارامىزدى ٶزٸمٸز جالاپ جازار ەدٸك قوي, بۇل جولعى ايدىڭ-كٷننٸڭ امانىندا سٸز باسقارىپ وتىرعان اتاجۇرتتاعى باستى تەلەارنا سانالاتىن «قازاقستان» ۇلتتىق ارناسىنا قاتىستى بولىپ تۇر.
«سەنگەن قويىم سەن بولساڭ, كٷيسەگەنٸڭدٸ ۇرايىن» دەيدٸ اتام قازاق. اتاجۇرتتان الىستا, ات تٶبەلٸندەي عانا ازعانا قازاقتىڭ تاريحي وتانىمەن بايلانىساتىن اقپارات كٶزدەرٸنٸڭ سانى شەكتەۋلٸ عانا. بٸز ٷشٸن «الىپ كەتتٸ», «جۇلىپ كەتتٸ», «اسىپ كەتتٸ», «شاۋىپ كەتتٸ» دەيتٸن جەكەمەنشٸك ارنالاردان گٶرٸ, ٶزٸڭٸزدٸ, كٷللٸ قازاق كٶز تٸگٸپ, جاتساق-تۇرساق اماندىعىڭىزدى تٸلەپ وتىرعان سٸزدٸڭ شىنايى ەڭبەگٸڭٸزدٸ, قازاق حالقىنا دەگەن شىن جاناشىرلىعىڭىزدى كٶرٸپ وتىراتىن «قازاقستان» ۇلتتىق ارناسى مەن «حابار» ارناسى عانا ەدٸ. ەرينە, كٸشكەنتاي بٷلدٸرشٸندەرٸمٸز ٷشٸن «بالاپاننىڭ» ورنى بٶلەك.
[caption id="attachment_228198" align="aligncenter" width="423"]
كەشە وسى ۇلتتىق ارنامىز اتام قازاقتا بولماعان, ەستۋگە قۇلاق, كٶرۋگە كٶز ۇيالاتىن دٷنيەنٸ تاپاداي-تالتٷستە كٶرسەتتٸ. «ەيەل باقىتى» دەپ اتالاتىن باعدارلامادا ٷنەمٸ جاقسى ەڭگٸمەلەر ايتىلىپ, قازاقتىڭ قىز-كەلٸنشەكتەرٸنە جول سٸلتەپ, مەسەلەلەرٸن تالقىلاپ كٶڭٸلٸمٸزدەن شىققان ەدٸ. ٶزٸ دە سٷپ-سٷيكٸمدٸ لەيلە قىزىمىزدىڭ ەيەل باقىتى دەگەن سٶزدٸڭ سيمۆولى ٸسپەتتٸ جٷرگٸزەتٸن باعدارلاماسى دا سٷيكٸمدٸ ەدٸ.
«قازاقستان» ۇلتتىق ارناسىنان بەرٸلگەن كەشەگٸ باعدارلامانى كٶرٸپ, نۇرسۇلتان ەبٸشۇلى ٶزٸڭٸزگە ارنايى ارناپ بٷگٸن قولىما قالام الۋعا تۋرا كەلدٸ. ۇلتتىڭ رۋحانيياتىنا, الىستاعى اتاجۇرتقا جاۋتاڭداعان جانارىمىزعا ۇلتتىق ارنانىڭ ۇسىنار جاڭالىعى وسى ما ەدٸ?
قازاق دەگەن ەل بار دەپ, قازاقستان دەگەن ارقاتٸرەك اتاجۇرتىمىز بار دەپ جٷرگەندە, الىستى جاقىنداتىپ, اعايىنعا جاقسىلىقتىڭ جارشىسى بولار باستى ارنانىڭ بٸزگە كٶرسەتەرٸ وسى ما ەدٸ? ەلدە ۇلتتىق ارنا ۇرپاعىمىزدى قالاي قىزتەكە جاساۋدى ٷيرەتەتٸن باعدارشىمىز بولىپ پا ەدٸ? ەيتپەسە ادام رەتٸندە, قوناق رەتٸندە شاقىرىپ, پٸكٸرٸن بٸلٸپ قانا قايتارماي (تٸپتٸ سول قىزتەكەنٸ شىعارماۋعا بولمايتىن بولسا), ونىڭ نەسٸن ەگجەي-تەگجەيلٸ قازبالاپ وتىر? ەلدە قوعامداعى ازعىندىق از بولىپ بارادى دەپ وتىر ما?
ٶتكەن جەكسەنبٸ كٷنٸ عانا سول لەيلە قىزىمىز «بالاپان» تەلەارناسىنىڭ 6 جاسقا تولعان تۋعان كٷنٸن تويلاپ, كٸشكەنتاي بالالارىمىز ٷشٸن ٷلكەن قۋانىش سىيلاپ ەدٸ. بٸر كٷن ٶتپەي جاتىپ, سول كٸشكەنتاي بٷلدٸرشٸندەرٸمٸز كٶرەتٸن ۋاقىتتا (كٷندٸزگٸ ساعات 15-تە) قىزتەكەلەر تۋرالى مەلمەت تاراتىپ, جارناما جاساپ وتىرعانىن تٷسٸنە المادىق.
بٸر كەزدەرٸ ٶزٸڭٸزدٸڭ تٸكەلەي تاپسىرماڭىزبەن «قازاقستان» ارناسى تولىقتاي قازاق تٸلدٸ اقپارات تاراتاتىن بولعاندا بارلىعىمىز دا قۋانىپ ەدٸك. سول قۋانىشىمىز الىسقا بارمايتىن تٷرٸ بار. ٶتكەن اپتادا دا انا بٸر نە قىز ەكەندەرٸ, نە ۇل ەكەندەرٸ بەلگٸسٸز 91 دەگەن توپتى كٶرسەتٸپ, تاعى دا كٶڭٸلٸمٸزگە كٷدٸك ۇيالاتقان ەدٸ. كەشەگٸسٸ مىناۋ.
قۇرمەتتٸ نۇرسۇلتان ەبٸشۇلى, وسى ارنانىڭ بۇدان بىلاي ازعىندىقتى, قازاقى تٷسٸنٸگٸمٸزگە جات, قوعامداعى كەلەڭسٸز جاعدايلاردى كٶرسەتۋٸنە تىيىم سالساڭىز ەكەن. ونسىزدا ۇرپاعىمىز ٶزگە ەلدەردٸڭ اتىس-شابىس, زورلىق-زومبىلىقتى دەرٸپتەيتٸن قۋىرشاقتارىن كٶرٸپ, ەبدەن جٷرەكتەرٸ قاتايىپ بٸتتٸ.
ەندٸ قالعانى ۇلتتىڭ رۋحانيياتىنا قىزمەت ەتەدٸ, سٸزدٸڭ تەۋەلسٸزدٸك جولىنداعى جەمٸستٸ ەڭبەگٸڭٸزدٸ كٶرسەتەدٸ دەيتٸن «قازاقستان» ۇلتتىق ارناسىنان دا سونداي قازاقىلىعىمىزعا جات دٷنيەلەردٸ تاماشالاۋىنا جول بەرمەسەڭٸز ەكەن دەيمٸن. جەنە كەشەگٸ «ەيەل باقىتى» باعدارلاماسىنا قىزتەكە تۋرالى شىعارۋعا رۇقسات بەرگەن بارلىق مامانداردى قاتاڭ جازالاۋىڭىزدى سۇرايمىز. بۇل بٸزدٸڭ تٷسٸنٸگٸمٸز بويىنشا كٶرەرمەندەردٸڭ سۇرانىسىمەن ساناسپاۋ, تەلەۆيزور كٶرٸپ وتىرعان قاراپايىم حالىقتىڭ كٶرەرمەن رەتٸندەگٸ قۇقىعىن تاپتاۋ, ولاردىڭ ار-نامىسىمەن ساناسپاۋ دەپ سانايمىز.
سٸزگە دەگەن قۇرمەتپەن: موڭعولييادا تۇراتىن بٸر توپ قانداس باۋىرلارىڭىز
