Ulytaý oblysynda «Birtutas el – birtutas jer» áskeri-patriottyq aktsiiasy aiasynda 3 myńnan astam adam qamtyldy, dep habarlaidy Dala News.
Qorǵanys ministrliginiń aqparattyq-túsindirý toby mektep oqýshylary men áskerge shaqyrý jasyndaǵy stýdenttermen kezdesip, birqatar taqyryptyq is-sharalar ótkizdi.
Kezdesýler barysynda konstitýtsiialyq reforma jónindegi komissiianyń jumysy jáne jalpyhalyqtyq erik bildirýdiń mańyzy túsindirildi. Sonymen qatar 2030 jylǵa deiingi áskeri-patriottyq tárbie tujyrymdamasyn iske asyrý, «Jas sarbaz» synyptaryn ashý máseleleri talqylandy.
Jezqazǵan men Sátbaev qalalarynda ofitserler oqý oryndarynda erlik sabaqtaryn ótkizip, áskeri oqý oryndaryna túsý tártibi, áskerge shaqyrý sharttary jáne áleýmettik kepildikter týraly aqparat berdi. Polkovnik Dáýlet Beisekov jastardyń áskeri qyzmetke qyzyǵýshylyǵy artyp kele jatqanyn atap ótti.
Is-shara aiasynda alǵashqy áskeri daiyndyq pániniń oqytýshylary marapattaldy. Sondai-aq merzimdi qyzmet ótkerip júrgen sarbazdyń beineúndeýi kórsetilip, patriottyq kontserttik baǵdarlama uiymdastyryldy.
