“Qazaqmys” korporatsiiasynda birneshe kúnge sozylǵan jumysshylar narazylyǵy basshylyqpen júrgizilgen kelissóz nátijesinde toqtap, eki tarap ortaq mámilege keldi, dep habarlaidy Dalanews.kz.
Kompaniianyń málimetinshe, 19 jeltoqsan saǵat 20:00-de Saiaq jáne Jaisań kenishteri men Jezqazǵan mys qorytý zaýytynyń jumysy shtattyq rejimge qaita oralǵan.
“Buǵan deiin atalǵan kenishter men zaýyt jumysshylary áriptesterin qoldaý maqsatynda jumystaryn toqtatqan bolatyn”, – dep málimdedi “Qazaqmys” korporatsiiasy.
Eki kúnge sozylǵan narazylyq nátijesinde jumys berýshi men jumysshylar eńbek jaǵdaiyn jaqsartý boiynsha ózara kelisimge qol jetkizdi.
Eske salaiyq, 17 jeltoqsanda Ulytaýoblysynda"Qazaqmys korporatsiiasynyń"("Jezqazǵantústimet") filialy - "Ońtústik Qazaqstan" kenishiniń № 65 shahtasynda ereýil boldy. 250-den astamkenshi jerastyna túsýden bas tartty. Olar jalaqylaryn kóterý jáne eńbek jaǵdailaryn jaqsartýdy talap etti. Al 18 jeltoqsanda kompaniianyń baspasóz qyzmeti atalǵan jaitqa qatysty túsinikteme berdi.
Kompaniia baspasóz qyzmetiniń habarlaýynsha, "2024 jylǵy 17 jeltoqsanda "Qazaqmys korporatsiiasy" JShS "Jezqazǵantústimet" ÓB quramyna kiretin Ońtústik Jezqazǵan kenishi men Jylandy kenishiniń qyzmetkerleri ujymdyq talaptar bildirgen. Ońtústik Jezqazǵan kenishinde jumysshylar jalaqyny eki esege arttyrý jáne t. b. máselelerin atap ótti. Qyzmetkerlermen "Qazaqmys korporatsiiasy" JShS Bas direktory jáne kásipodaq uiymdarynyń ókilderi túsindirý jumystaryn júrgizdi. Kezdesý barysynda olar "Jezqazǵantsvetmet" ÓB-daǵy eń tómengi jalaqy 363 000 teńgeni (MJMB úi-jailaryn jinaýshy), medianalyq jalaqy 650 000 teńgeni, al Ulytaý oblysy boiynsha medianalyq jalaqy 404 105 teńgeni, al jalpy Qazaqstan boiynsha eki ese az jáne 285 677 teńgeni quraitynyn atap ótti".
"Qazaqmys Korporatsiiasy" buǵan deiin 2025 jylǵy qańtardan bastap jalaqynyń ósýin jariialaǵan bolatyn. Indeksteý 2024 jyly Ulttyq statistika biýrosy resmi túrde belgilegen infliatsiia deńgeiine júrgiziledi. Jalaqyny 8,5%-ǵa arttyrǵan kezde korporatsiia boiynsha ortasha jalaqy 822 000 teńgege deiin (2024 jyly — 730 431 teńge), al jerasty jumysshylary úshin — 1 303 000 teńgege deiin (2024 jyly — 1 202 000 teńge) ósedi", delingen kompaniia habarlamasynda.
"Qazaqmys korporatsiiasy" 2020 jyldan bastap jyl saiyn jalaqyny kóterip keledi. Osy kezeńde jalaqynyń ortasha deńgeii 151%-ǵa – 2020 jylǵy 326 196 teńgeden 2025 jylǵa arnalǵan aǵymdaǵy boljamdarǵa deiin kóterildi. Bul 2,5 esege ósýge sáikes keledi.
Kompaniia jalaqynyń odan ári kúrt ósýi kompaniia shahtalarynyń rentabeldiligine qaýip tóndirýi múmkin ekenin naqtylaidy. Jalaqyny kóterýden basqa, 2025 jyldan bastap 2025-2029 jyldarǵa arnalǵan jańa Ujymdyq shart kúshine enedi. Shart sheńberinde:
- materialdyq kómek pen ótemaqy mólsherin ulǵaitý;
- damý erekshelikteri bar balalardyń ata-analaryna qosymsha jeńildikter;
- balalar demalysy baǵdarlamalaryn keńeitý;
- barlyq qyzmetkerlerdi erikti meditsinalyq saqtandyrýmen qamtý.
Kompaniia óz jumyskerleri úshin eńbekti jaqsartýdan basqa, Sátbaev pen Jezqazǵan qalalaryna qomaqty investitsiialar júrgizýde, osylaisha 2023-2024 jyldar aralyǵynda óńirdiń 10-nan astam obektisine 30 mlrd teńgeden astam investitsiia salyndy.
