“قازاقمىس” كورپوراتسيياسىندا بٸرنەشە كٷنگە سوزىلعان جۇمىسشىلار نارازىلىعى باسشىلىقپەن جٷرگٸزٸلگەن كەلٸسسٶز نەتيجەسٸندە توقتاپ, ەكٸ تاراپ ورتاق مەمٸلەگە كەلدٸ, دەپ حابارلايدى Dalanews.kz.
كومپانييانىڭ مەلٸمەتٸنشە, 19 جەلتوقسان ساعات 20:00-دە ساياق جەنە جايساڭ كەنٸشتەرٸ مەن جەزقازعان مىس قورىتۋ زاۋىتىنىڭ جۇمىسى شتاتتىق رەجيمگە قايتا ورالعان.
“بۇعان دەيٸن اتالعان كەنٸشتەر مەن زاۋىت جۇمىسشىلارى ەرٸپتەستەرٸن قولداۋ ماقساتىندا جۇمىستارىن توقتاتقان بولاتىن”, – دەپ مەلٸمدەدٸ “قازاقمىس” كورپوراتسيياسى.
ەكٸ كٷنگە سوزىلعان نارازىلىق نەتيجەسٸندە جۇمىس بەرۋشٸ مەن جۇمىسشىلار ەڭبەك جاعدايىن جاقسارتۋ بويىنشا ٶزارا كەلٸسٸمگە قول جەتكٸزدٸ.
ەسكە سالايىق, 17 جەلتوقساندا ۇلىتاۋوبلىسىندا"قازاقمىس كورپوراتسيياسىنىڭ"("جەزقازعانتٷستٸمەت") فيليالى - "وڭتٷستٸك قازاقستان" كەنٸشٸنٸڭ № 65 شاحتاسىندا ەرەۋٸل بولدى. 250-دەن استامكەنشٸ جەراستىنا تٷسۋدەن باس تارتتى. ولار جالاقىلارىن كٶتەرۋ جەنە ەڭبەك جاعدايلارىن جاقسارتۋدى تالاپ ەتتٸ. ال 18 جەلتوقساندا كومپانييانىڭ باسپاسٶز قىزمەتٸ اتالعان جايتقا قاتىستى تٷسٸنٸكتەمە بەردٸ.
كومپانييا باسپاسٶز قىزمەتٸنٸڭ حابارلاۋىنشا, "2024 جىلعى 17 جەلتوقساندا "قازاقمىس كورپوراتسيياسى" جشس "جەزقازعانتٷستٸمەت" ٶب قۇرامىنا كٸرەتٸن وڭتٷستٸك جەزقازعان كەنٸشٸ مەن جىلاندى كەنٸشٸنٸڭ قىزمەتكەرلەرٸ ۇجىمدىق تالاپتار بٸلدٸرگەن. وڭتٷستٸك جەزقازعان كەنٸشٸندە جۇمىسشىلار جالاقىنى ەكٸ ەسەگە ارتتىرۋ جەنە ت. ب. مەسەلەلەرٸن اتاپ ٶتتٸ. قىزمەتكەرلەرمەن "قازاقمىس كورپوراتسيياسى" جشس باس ديرەكتورى جەنە كەسٸپوداق ۇيىمدارىنىڭ ٶكٸلدەرٸ تٷسٸندٸرۋ جۇمىستارىن جٷرگٸزدٸ. كەزدەسۋ بارىسىندا ولار "جەزقازعانتسۆەتمەت" ٶب-داعى ەڭ تٶمەنگٸ جالاقى 363 000 تەڭگەنٸ (مجمب ٷي-جايلارىن جيناۋشى), مەديانالىق جالاقى 650 000 تەڭگەنٸ, ال ۇلىتاۋ وبلىسى بويىنشا مەديانالىق جالاقى 404 105 تەڭگەنٸ, ال جالپى قازاقستان بويىنشا ەكٸ ەسە از جەنە 285 677 تەڭگەنٸ قۇرايتىنىن اتاپ ٶتتٸ".
"قازاقمىس كورپوراتسيياسى" بۇعان دەيٸن 2025 جىلعى قاڭتاردان باستاپ جالاقىنىڭ ٶسۋٸن جارييالاعان بولاتىن. يندەكستەۋ 2024 جىلى ۇلتتىق ستاتيستيكا بيۋروسى رەسمي تٷردە بەلگٸلەگەن ينفلياتسييا دەڭگەيٸنە جٷرگٸزٸلەدٸ. جالاقىنى 8,5%-عا ارتتىرعان كەزدە كورپوراتسييا بويىنشا ورتاشا جالاقى 822 000 تەڭگەگە دەيٸن (2024 جىلى — 730 431 تەڭگە), ال جەراستى جۇمىسشىلارى ٷشٸن — 1 303 000 تەڭگەگە دەيٸن (2024 جىلى — 1 202 000 تەڭگە) ٶسەدٸ", دەلٸنگەن كومپانييا حابارلاماسىندا.
"قازاقمىس كورپوراتسيياسى" 2020 جىلدان باستاپ جىل سايىن جالاقىنى كٶتەرٸپ كەلەدٸ. وسى كەزەڭدە جالاقىنىڭ ورتاشا دەڭگەيٸ 151%-عا – 2020 جىلعى 326 196 تەڭگەدەن 2025 جىلعا ارنالعان اعىمداعى بولجامدارعا دەيٸن كٶتەرٸلدٸ. بۇل 2,5 ەسەگە ٶسۋگە سەيكەس كەلەدٸ.
كومپانييا جالاقىنىڭ ودان ەرٸ كٷرت ٶسۋٸ كومپانييا شاحتالارىنىڭ رەنتابەلدٸلٸگٸنە قاۋٸپ تٶندٸرۋٸ مٷمكٸن ەكەنٸن ناقتىلايدى. جالاقىنى كٶتەرۋدەن باسقا, 2025 جىلدان باستاپ 2025-2029 جىلدارعا ارنالعان جاڭا ۇجىمدىق شارت كٷشٸنە ەنەدٸ. شارت شەڭبەرٸندە:
- ماتەريالدىق كٶمەك پەن ٶتەماقى مٶلشەرٸن ۇلعايتۋ;
- دامۋ ەرەكشەلٸكتەرٸ بار بالالاردىڭ اتا-انالارىنا قوسىمشا جەڭٸلدٸكتەر;
- بالالار دەمالىسى باعدارلامالارىن كەڭەيتۋ;
- بارلىق قىزمەتكەرلەردٸ ەرٸكتٸ مەديتسينالىق ساقتاندىرۋمەن قامتۋ.
كومپانييا ٶز جۇمىسكەرلەرٸ ٷشٸن ەڭبەكتٸ جاقسارتۋدان باسقا, سەتباەۆ پەن جەزقازعان قالالارىنا قوماقتى ينۆەستيتسييالار جٷرگٸزۋدە, وسىلايشا 2023-2024 جىلدار ارالىعىندا ٶڭٸردٸڭ 10-نان استام وبەكتٸسٸنە 30 ملرد تەڭگەدەن استام ينۆەستيتسييا سالىندى.
