Aimaq basshysy aldymen Qonaev qalasyndaǵy Dańq memorialy eskertkishine gúl qoiyp, surapyl soǵysta qaza bolǵan bozdaqtardy bir minýt únsizdikpen eske aldy.
Babalar rýhyna taǵzym etken oblys ákimi Marat Eleýsizuly, ortalyq alańda barsha halyqty Jeńis kúnimen quttyqtady.
– Bul soǵysta Keńes Odaǵynyń halqy úlken batyldyq pen tózimdiliktiń erekshe úlgisin kórsetti. Keńes Odaǵy qarýly kúshteriniń quramynda soǵys jyldary barlyǵy 35 million adam bolsa, bulardyń 1 million 366 myńy qazaqstandyqtar boldy. Ókinishke orai, ardagerlerimizdiń qatary kúnnen-kúnge sirep, azaia túsýde. Búgingi kúni Jeńis merekesin oblys boiynsha 10 soǵys ardageri qarsy alýda.
Uly Jeńistiń arqasynda bizdiń aspanymyz ashyq bolyp, tynyshtyqta beibit ómir súrip, alańsyz eńbek etip kelemiz. Sondyqtan bizdiń mindetimiz – árbir soǵys ardagerine qamqor bolyp, olardyń óshpes erligine qurmet kórsetý, – dedi óz sózinde Marat Sultanǵaziev.
Ákimniń aitýynsha, Uly Otan soǵysynyń 10 ardagerlerine 1,5 million teńge mólsherinde birjolǵy tólemder qarastyrylǵan.
Jeńistiń 78 jyldyǵyna arnalǵan merekelik shara balalar shyǵarmashylyq ortalyǵynyń qoiylymynan bastaý alyp, óner juldyzdarynyń kontsertine ulasty.
