3 maýsymda Qazaqstanǵa demalys pen ońaltýdan ótý úshin Ýkrainadan balalar toby keldi. Olar úshin bizdiń elimiz týraly tanymyn keńeitýge baǵyttalǵan birqatar is-sharalar josparlanǵan. Atap aitqanda, balalar «Býrabai» memlekettik ulttyq tabiǵi parkine ekskýrsiia jasap, Astana qalasyndaǵy kórnekti oryndarǵa saiahattaidy, – dep habarlaidy Dalanews.kz
Mundai saparlar balalardyń oi-órisin keńeitip qana qoimai, mádenietaralyq túsinistik pen ózara qurmetti qalyptastyrýǵa, halyqtar arasyndaǵy dostyqty nyǵaitýǵa yqpal etedi.
«Baldáýren» respýblikalyq oqý-saýyqtyrý ortalyǵy jazǵy demalysty uiymdastyrý sheńberinde halyqaralyq yntymaqtastyq aiasyn keńeitip keledi. Balalardyń demalysyn uiymdastyrýda mol tájiribesi bar ortalyq sheteldik balalardy da qabyldai otyryp, mádenietaralyq bailanystardy damytýǵa erekshe kóńil bóledi", - delingen ortalyq habarlamasynda.
Ortalyq jumys istegen jyldar ishinde munda álemniń 15 elinen kelgen balalar demaldy. Sońǵy úsh jyldyń ózinde ǵana «Baldáýren» TMD elderinen, Qytai, Túrkiia, Mońǵoliia jáne basqa da memleketterden kelgen 700-den astam sheteldik balany qabyldady.
