3 ماۋسىمدا قازاقستانعا دەمالىس پەن وڭالتۋدان ءوتۋ ءۇشىن ۋكراينادان بالالار توبى كەلدى. ولار ءۇشىن ءبىزدىڭ ەلىمىز تۋرالى تانىمىن كەڭەيتۋگە باعىتتالعان ءبىرقاتار ءىس-شارالار جوسپارلانعان. اتاپ ايتقاندا، بالالار «بۋراباي» مەملەكەتتىك ۇلتتىق تابيعي پاركىنە ەكسكۋرسيا جاساپ، استانا قالاسىنداعى كورنەكتى ورىندارعا ساياحاتتايدى، – دەپ حابارلايدى Dalanews.kz

مۇنداي ساپارلار بالالاردىڭ ءوي-ورىسىن كەڭەيتىپ قانا قويماي، مادەنيەتارالىق تۇسىنىستىك پەن ءوزارا قۇرمەتتى قالىپتاستىرۋعا، حالىقتار اراسىنداعى دوستىقتى نىعايتۋعا ىقپال ەتەدى.

«بالداۋرەن» رەسپۋبليكالىق وقۋ-ساۋىقتىرۋ ورتالىعى جازعى دەمالىستى ۇيىمداستىرۋ شەڭبەرىندە حالىقارالىق ىنتىماقتاستىق اياسىن كەڭەيتىپ كەلەدى. بالالاردىڭ دەمالىسىن ۇيىمداستىرۋدا مول تاجىريبەسى بار ورتالىق شەتەلدىك بالالاردى دا قابىلداي وتىرىپ، مادەنيەتارالىق بايلانىستاردى دامىتۋعا ەرەكشە كوڭىل بولەدى"، - دەلىنگەن ورتالىق حابارلاماسىندا.

ورتالىق جۇمىس ىستەگەن جىلدار ىشىندە مۇندا الەمنىڭ 15 ەلىنەن كەلگەن بالالار دەمالدى. سوڭعى ءۇش جىلدىڭ وزىندە عانا «بالداۋرەن» تمد ەلدەرىنەن، جۇڭگو، تۇركيا، موڭعوليا جانە باسقا دا مەملەكەتتەردەن كەلگەن 700-دەن استام شەتەلدىك بالانى قابىلدادى.