Álemge áigili fotodaǵy reseilik qazaq Tasbolat Ibrashev Ýkrainadaǵy soǵysta qaza tapty, dep habarlaidy Dalanews.kz.
Ibrashev 3 aqpanda Ýkrainadaǵy soǵysta qaza tapty. Bul týraly jýrnalist Viktor Shatskih habarlady.
Tanymal sýret 2008 jyldyń tamyzynda túsirilgen, onda qarýly sarbaz Gori qalasy mańynda grýzin áskeri kolonnasynyń aldynda turǵan sáti beinelengen. Alǵashynda ony býriatiialyq áskeri qyzmetker dep boljaǵan, biraq 2019 jyly bul adamnyń Tasbolat Ibrashev ekeni anyqtaldy. Ol kezde Reseidiń 58-armiiasynda kelisimshart boiynsha qyzmet etken.
Tasbolat Ibrashev týraly ne belgili?
Tasbolat Ibrashev 1984 jyly 16 qańtarda Atyraý oblysy, Aqqystaý aýylynda dúniege kelgen. 1986 jyly onyń otbasy Astrahanǵa qonys aýdardy.
2008 jylǵy Grýziiadaǵy soǵystan keiin Qazaqstanda onyń esimi jii ataldy. 2020 jyldyń qańtarynda Ibrashev Atyraýǵa kelip, jergilikti ýniversitette stýdenttermen kezdesý ótkizgen.
Ýkrainadaǵy soǵysqa qalai qatysty?
Ýkrainadaǵy soǵys bastalǵanǵa deiin Ibrashev Astrahanda turyp, eńbek etti. 2023 jyldyń qyrkúieginde ol óz erkimen Resei armiiasymen kelisimshartqa otyryp, Ýkrainaǵa qarsy soǵysqa attandy.
3 aqpanda ol urys alańynda qaza tapty.
