Sonymen birge RF Qarýly kúshteri:
281 ushaǵynan;
266 tikushaǵynan;
2 995 tankisinen;
5 974 brondy tehnikasynan;
1960 artilleriialyq júiesinen;
212 áýe qorǵanysy qarýy men basqa da kóptegen qarýynan aiyryldy.
Ýkrain áskeri kún ótken saiyn Resei jibergen raketalardy da atyp túsirip jatyr. Ýkraina Qarýly kúshteriniń bas qolbasshysy Valerii Zalýjnyi RF jibergen 76 raketanyń 60-sy nysanaǵa jetpei joiylǵanyn málimdedi. Bul týraly «Ýkrainskaia pravda» habarlady.
Bas qolbasshynyń aitýynsha, basqynshylar atqan 76 zymyrannyń 72-si qanatty bolǵan.
Zalýjnyi Telegram-arnada tikelei efirge shyǵyp, kún saiyn esep berýdi ádetke ainaldyrǵan. Onyń aitýynsha, Kaspii jáne Qara teńizden Ýkrainanyń infraqurylymdaryna jiberilgen 76 raketanyń 72-si qanatty (H-101, «Kalibr», H-22) jáne 4-eýi aviatsiiamen basqarylatyn raketalar (H-59/H-31P) bolyp shyqqan.
Ýkrainaǵa raketadan toǵyzynshy márte jappai soqqy berdi. Jaý eldiń energetikalyq infraqurylymdaryn atqylady. Ýkrainanyń búkil territoriiasynda áýe dabyly jariialandy. Basqynshylardyń Kiev áýe qorǵanysyn buzyp ótýge baǵyttalǵan raketalyq terrory men óreskel áreketteri bizdiń saǵymyzdy syndyra almaidy,
dedi Zalýjnyi.
Bul jolǵy shabýyldyń bir ereksheligi, H-101/H-555 qanatty raketalarynyń tek Kaspii teńiziniń akvatoriiasynan ǵana emes, sonymen birge Tý-95MS strategiialyq bombalaýshy-zymyrantasyǵyshtary shoǵyrlanǵan Saratov oblysynyń Engels aýdanynan da jiberilgeni boldy.
https://www.youtube.com/watch?v=4ETzbH_DKvg
Budan basqa, okkýpanttar nysanany Qara teńiz aidynyndaǵy «Admiral Makarov» fregatynan da atqylady.
Aita ketetin bir jait, Resei zymyrandarynyń biri Ýkrainaǵa jetpei, Volgograd oblysyndaǵy Elan aýdanyna baryp qulaǵan.
Bul rette AQSh Senatynyń Ýkrainaǵa kómek kórsetý úshin rekordtyq kórsetkish – 858 mlrd dollar kólemindegi qarajatty qorǵanys biýdjetine bólgeni belgili boldy.
https://dalanews.kz/bas-takyryp/84656-khalyqaralyq-konsorcium-qazaqstanda
