سونىمەن بىرگە رف قارۋلى كۇشتەرى:
281 ۇشاعىنان؛
266 تىكۇشاعىنان؛
2 995 تانكىسىنەن؛
5 974 بروندى تەحنيكاسىنان؛
1960 ارتيللەريالىق جۇيەسىنەن؛
212 اۋە قورعانىسى قارۋى مەن باسقا دا كوپتەگەن قارۋىنان ايىرىلدى.
ۋكراين اسكەرى كۇن وتكەن سايىن رەسەي جىبەرگەن راكەتالاردى دا اتىپ ءتۇسىرىپ جاتىر. ۋكراينا قارۋلى كۇشتەرىنىڭ باس قولباسشىسى ۆالەريي زالۋجنىي رف جىبەرگەن 76 راكەتانىڭ 60-سى نىساناعا جەتپەي جويىلعانىن مالىمدەدى. بۇل تۋرالى «ۋكراينسكايا پراۆدا» حابارلادى.
باس قولباسشىنىڭ ايتۋىنشا، باسقىنشىلار اتقان 76 زىمىراننىڭ 72ء-سى قاناتتى بولعان.
زالۋجنىي Telegram-ارنادا تىكەلەي ەفيرگە شىعىپ، كۇن سايىن ەسەپ بەرۋدى ادەتكە اينالدىرعان. ونىڭ ايتۋىنشا، كاسپيي جانە قارا تەڭىزدەن ۋكراينانىڭ ينفراقۇرىلىمدارىنا جىبەرىلگەن 76 راكەتانىڭ 72ء-سى قاناتتى (ح-101، «كاليبر»، ح-22) جانە 4-ەۋى اۆياسيامەن باسقارىلاتىن راكەتالار (ح-59/ح-31پ) بولىپ شىققان.
ۋكرايناعا راكەتادان توعىزىنشى مارتە جاپپاي سوققى بەردى. جاۋ ەلدىڭ ەنەرگەتيكالىق ينفراقۇرىلىمدارىن اتقىلادى. ۋكراينانىڭ بۇكىل تەرريتورياسىندا اۋە دابىلى جاريالاندى. باسقىنشىلاردىڭ كييەۆ اۋە قورعانىسىن بۇزىپ وتۋگە باعىتتالعان راكەتالىق تەررورى مەن ورەسكەل ارەكەتتەرى ءبىزدىڭ ساعىمىزدى سىندىرا المايدى،
دەدى زالۋجنىي.
بۇل جولعى شابۋىلدىڭ ءبىر ەرەكشەلىگى، ح-101/ح-555 قاناتتى راكەتالارىنىڭ تەك كاسپيي تەڭىزىنىڭ اكۆاتورياسىنان عانا ەمەس، سونىمەن بىرگە تۋ-95مس ستراتەگيالىق بومبالاۋشى-زىمىرانتاسىعىشتارى شوعىرلانعان ساراتوۆ وبلىسىنىڭ ەنگەلس اۋدانىنان دا جىبەرىلگەنى بولدى.
https://www.youtube.com/watch؟v=4ETzbH_DKvg
بۇدان باسقا، وككۋپانتتار نىسانانى قارا تەڭىز ايدىنىنداعى «ادميرال ماكاروۆ» فرەگاتىنان دا اتقىلادى.
ايتا كەتەتىن ءبىر جايت، رەسەي زىمىراندارىنىڭ ءبىرى ۋكرايناعا جەتپەي، ۆولگوگراد وبلىسىنداعى ەلان اۋدانىنا بارىپ قۇلاعان.
بۇل رەتتە اقش سەناتىنىڭ ۋكرايناعا كومەك كورسەتۋ ءۇشىن رەكوردتىق كورسەتكىش – 858 ملرد دوللار كولەمىندەگى قاراجاتتى قورعانىس بيۋدجەتىنە بولگەنى بەلگىلى بولدى.
https://dalanews.kz/bas-takyryp/84656-khalyqaralyq-konsorcium-qazaqstanda
